Олон удаа Оросой Улас түрын зүжэг наада дэлгэдэг эмхиин эгээ дээдэ шагнал болохо «Алтан багта» хэдэ удаа хүртэhэн Буряад Уласаймнай «Үльгэр» гэhэн бишыхан харагшадаймнай хүүхэлдэйн театр гараха hарын нэгэндэ үүдэнүүдээ сэлижэ, хүшэгэеэ нээжэ, ээлжээтэ театральна хаһаяа эхилхэнь гээшэ.

– Юhэн һарын нэгэндэ ээлжээтэ 48-дахи хаhаяа нээхэ гэhэн шиидхэбэри абаhамнай удхатай юм, юуб гэхэдэ энэмнай эрдэм мэдэсын үдэр бэлэй. Зунайнгаа амаралтын үедэ һайса амараад, бэе бэенээ, хоорондохи харилсаануудаа үгылжэ байhан үхибүүдээ 11 саг 30 минутаhаа театраймнай мэдээжэ артистнар, найруулагшад, уран зураашад болон бусад урлалай мэргэжэлтэд хүлеэжэ байна, – гэжэ театрай уран hайханай хүтэлбэрилэгшэ Эрдэни Жалцанов мэдүүлнэ.

Энэ жэлhээ хүүхэлдэйн театр олон тоото hонирхолтой хэмжээ ябуулгануудые харааланхай, хүүгэдэй hонирхол татажа, тэдэнэй үүсхэл дэмжэхэ түлэбүүд байгуулагданхай, мэргэжэлтэ урлалай хүдэлмэрилэгшэдтэй уулзалганууд болохо байха. Уулзалгынгаа түрүүшын үдэр, сентябриин нэгэндэ, буряад хэлэ hураха, хүгжөөхэ гэhэн Гүрэнэй түлэб дэмжэжэ, хүүгэдэй зүжэгэй студинуудай хоорондо мүрысөө эмхидхэхэ, энэнь hарын туршада үргэлжэлхэ юм.

Мэдээсэлэйнгээ эсэстэ хүүхэлдэйн «Үльгэр» театрай захиралаар Буряад театрай зүжэгшэ байhанаа соёлой яаманда дэбжүүлэгдээд, хэдэн жэлнүүдэй туршада ажаллажа байhан, Яруунын аймагhаа гарбалтай Баярма Дашадоржиева томилогдоод, түрүүшынгээ театральна хаhа нээхэ зорилготой хүдэлжэ байна. Бүхы харагшадай зүгhөө Баярма Гуродагбаевнада амжалта хүсэел даа!