Буряадайнгаа соёлой хүгжэлдэ хамаг эрдэмээ, мэдэсэеэ, бүхы наhаяа зорюулhан хүндэтэ ветеранууд! Мүнөөдэр ажаллажа байhан соёлой али олон hалбаринуудай хүдэлмэрилэгшэд!

Жэлэй нэгэ удаа урин хабартаа маанарай тэмдэглэжэ байдаг Соёлой ажалтанай үдэрөөр үнэн сэдьхэлэймни амаршалагнуудые тогтоожо абыт! Таанарай хүсэл оролдолгоор, үсэд нэтэрүү ажалайтнай ашаар манай республикын олон яhатан нэгэ арад мэтэ эбтэй энхэргэн ажаhууна, ушар юуб гэхэдэ хэзээдэ мүнхэ соёлой жолоо бүгэдыемнай найдамтайгаар холбоно, соёлой талаар туйлалтанууднай арадайнгаа ажабайдалда горитойхон нүлөө үзүүлнэ, хоорондымнай ойлгосонуудые ульгам болгоно гэжэ анхаржа ябаhандаа, таанарайнгаа сэхэ сэбэр сэдьхэл hанаанда найдажа ябаhандаа урматай, хүрэжэ ерэhэн энэ hайндэрөөр амаршалаад, энхэ мэндэ, арадайнгаа хэрэгтэ, түрэл соёлдоо үнэн сэхэ албаяа хэhээр азатай жаргалтай ажаhуухыетнай хүсэн юрөөнэб!

Һайндэрөөр, хүндэтэ нүхэд!

Буряад Уласай Соёлой hайд Т. Г. Цыбиков