Журналист Булат Цыбиковай бэлдэһэн энэ дамжуулгада «Бурятия» ГТРК-гай алтан жасада хадаглагдаһан Михаил Гомбоевичиин зохёохы замай эхиндэ буулгагдаһан интервьюнууд, зүжэгүүдэй хэһэгүүд харуулагдаа. Бүхы наһаараа суг хүдэлжэ ябаһан нүхэдынь: Россиин арадай артист Лариса Егорова, Россиин габьяата артист Олег Бабуев, Буряадай арадай зүжэгшэн Дарима Лубсанова Михаил Гомбоевичиие дулааханаар һанан дурсаа.
