Жэлэй дүн гаргажа золгодог жэгтэйхэн үемнай хүрэжэ ерэбэ. Үнгэрһэн жэлнай бусад жэлнүүдһээ дутуугүй байгаа, бүхы дэлхэй дээрэ тогтоһон хүндэ ушаралнуудта сохюулангүй, урагшатай, амжалтатай гараба гээшэбди. Оросой Холбоондо Уран зохёолой жэл гэжэ соносхогдоод байхадань Буряад орондоо олон тоото удха шанартай хэмжээ ябуулгануудые үнгэргөөбди, хэдэн олон мэдээжэ уран зохёолшодойнгоо ойн баярнуудые тэмдэглээбди, энэмнай манай ургажа ябаа үетэндэ үльгэр жэшээ гэжэ мэдээжэ.
Эршэтэй ажалаараа, эелдэр зангаараа, дуугаараа эбтэйхэн угтажа баярладаг Шэнэ жэлнай олоной омог амжалтаар, огторгойн арюухан галнуудаар, шэмэг хасууряар ялалзаад оршобол. Арад зоноймнай һанаан тэгшэ, сэдьхэл үндэр, шэнэ жэлтэй найдалаа холбохо жэгтэй заншал бии бэлэй. Энээхэн заншалнай арад зоной сэдьхэлдэ юрөөл болон мандаһай! Шэнэ жэлээр!
Он жэлнай һэлгэлдээд, Шэнэ жэл
Оройдоол гансахан һүнил даа –
Уряалаад, жаргалынь мүнхэлөөд,
Буряадайм найдалынь болоол даа.
Шэнээр эрьеэ жэлнай –
Шэнэ жэлээр, арад зомнай!
Буряад Уласай соёлой сайд Тимур Цыбиков
