Литературна сагые номой сангай хүдэлмэрилэгшэ Л. А. Гомбоева үгэ хэлэжэ нээгээ. Энэ хэмжээ ябуулгада Өөрлигэй дунда һургуулиин буряад хэлэнэй багшанар О. Ж. Ошорова, М. Н. Самбялова гэгшэд уригдаһан байна. М. Н. Самбялова 5 минутын хоорондо Дольён Мадасон тухай хөөрэбэ. Л. А. Гомбоева саашань үргэлжэлүүлэн, мэдэгдээ, дулдаагүй һонирхолтой уран зохёолойнь намтар тухай хөөрэбэ. Өөрлигэй арадай театрай артистнар Борбуев К. В., Борбуева В. Н., Жужаева Р. А., Наханцакова А. Е., Цыденжапов Э. Д. гэшэд поэдэй «Ахын үүдэн гэһэн» шүлэгые литературна-хүгжэмтэ композици болгон, Ахын байгаали зураглаһан слайд харуулан, уншабад.
«Түрэл орон» гэһэн шүлэгыень 6-хи ангиин һурагша Булад Гергенов уран гоёор уншаа.
«Монголжон» гэжэ шүлэгые 7-хи ангин һурагша Мүнхэ-Жаргал Мунконов уранаар уншаа.
Компьютернэ оньһон түхеэрэлгэнүүдэй талаар аймагай номой сангай ажалтан Д. Р. Замбалова, аймагай музейн ажалтан С. Л. Убашеева гэгшэд шэмэглэбэд.
Үхибүүд Дольён Мадасоной уран зохёолой һонирхолтой зам тухай мэдээсэлнүүдые хадуужа абаа. Уран зохёолшо Аха нютагтамнай 1940-дэхи онуудаар ерэжэ, олон тоото онтохонуудые, таабаринуудые буулгажа бэшэжэ абаад, ном болгожо гаргаһан юм. ИМЛИ СО РАН-ай хэблэһэн «Большая Советская энциклопедия» гэжэ олон боти номууд соо Дольён Мадасоной нэрэтэ жаса бии гэжэ мэдэжэ абаа.
