Бүгэдэ Буряадай «Алтаргана-2016» гэһэн Уласхоорондын ехэ нааданда бэлдэлгын ба наада үнгэргэлгын хэб соо хүтэлбэриин газарнууд хоол бариха ниитын газарнууд (татаха) болон зошод буудалнуудые (татаха) харуулһан данса ехэ нааданай айлшадта дурадхажа бэлдэгдэбэ.
Тэрэ дурадхаһан дансадань хоол бариха 28 эмхинүүд, үнэ сэнгэй талаар элдэб янзын 15 зошод буудалнууд оронхой. Эдэниие шэлэхэдээ, гол түлэб тэдэнэй байдаг газарнууд хараада абтанхай. Тиигэжэ «Алтаргана-2016» ехэ нааданай гол хэмжээ ябуулгануудай үнгэрхэ Улаан-Үдын түб тойрон байрлаһан эмхинүүд шэлэгдэһэн болоно.
Бүгэдэ Буряадай «Алтаргана-2016» гэһэн Уласхоорондын ехэ наадан Улаан-Үдэ хотодо долоон һарын 1-һээ 3 болотор үнгэрхэ гээд һануулнабди. Дэлхэйн олон тоото орон нютагуудһаа айлшад бууха гэжэ хүлеэгдэнэ.
