Мүрысөө эмхидхэн байгуулагшад: Буряад Уласай үндэhэн номой сан, Сэнгын Эрдэнын жаса (Монгол), тэрэнэй түрэл гарал, «Яруунын аймаг» гэһэн нютагай засагай байгууламжа, «Яруунын түбэй номой сангай хамтадхагдамал гурим» гэһэн нютагай эмхи зургаан.
1. Мүрысөөнэй зорилго болон үүргэ:
· Буряад-монгол яhатанай заншалта соёлоо шудалалгые урмашуулан дэмжэхэ;
· Түрэл арадайнгаа соёолой баялиг сэгнэхые hургаха;
· Буряад арадайнгаа хэлые сахин хамгаалха ба хойшонхи үедөө дамжуулха;
· Арад зоной зохёон байгуулгын бэлигые дэмжэлгэ.
2. Мүрысөө үнгэргэлгын эрхэ нүхэсэл ба гурим:
Хүнүүд яhанай илгаагүй хабаадаха аргатай.
Наhанай илгаанууд: 1. hурагшад – 8 наhанhаа 18 наhан болотор;
2. аха наhатан – 18 наһанһаа дээшээ.
Мэргэжэлтэ зүжэгшэд мүрысөөндэ хабаадаха эрхэгүй.
3. Мүрысөөнэй нэрлэгдэһэн заабаринууд:
Эрхим богони хэмжээнэй зохёол (эссе) «Минии уншаһан Сэнгын Эрдэнын ном» (1000 үгэнүүд)
Найруулан, эли тодоор уншалга – 3-5 минута, Сэнгын Эрдэнын али нэгэн зохёол ород гү, али буряад хэлэн дээрэ.
4. Мүрысөөнэй үнгэрхэ болзор, хаяг:
Тус мүрысөөн Яруунын аймагай Нарһата тосхондо 2016 оной долоон һарын (июлиин) 15-да РКДЦ-дэ ба Модельнэ хүүгэдэй номой санда үнгэрхэ, 10-11 саг болотор хабаадагшадые бүридхэлдэ абалга, мүрысөөнэй нээлгын ёһолол 11 сагта.
Яруунын аймагай түбэй номой санда Интернет-кафегэй нээлтэ июлиин 16-да 10 сагта үнгэрхэ.
5. Ажалнуудаа дурадхаха гурим:
Мүрысөөндэ хабаадагша эссе ба уран тодо уншалгынгаа хүдэлмэриие нэгэ мүрысөөнэй ажал шэнгеэр дурадхаха эрхэтэй.
6. Эссе шэмэглэхэ талаар эрилтэнүүд:
Word редактор соо бүтээгдэһэн, А4 түхэлэй, 10 хуудаhанhаа ехэ бэшэ хэмжүүртэй, Times New Roman дээрэ үзэгэй 14-дэхи хэмжүүрээр, улаан мүрэй хэмжүүр – 1,25 см, мүрнүүдэй хоорондо 1,5 зай байха ёһотой.
Уран тодо уншалга шэмэглэхэ эрилтэнүүд:
Хабаадагшад материалаа (3-5 мин) видео формадаар зааһан сахим хаягта эльгээхэ.
Мүрысөөндэ ороһон ажалнууд бусаагдахагүй.
Мүрысөөнэй гуримые баримталангүй бүтээгдэһэн ажалнуудые жюри буруушааха эрхэтэй.
Мүрысөөнэй ажалнуудые иимэ хаягаар ябуулха: 671430. Яруунын аймаг, Сосново-Озерское тосхон, Василенкын гудамжа, 2, «Яруунын түбэй номой сангай хамтадхагдамал гурим» гэһэн нютагай захиргаанай соёлой эмхи зургаан, гү, али сахим хаяг: eravna-bibl@mail.ru, Утаһан/Факс: 8 (30135) 21-2-59
Монголой арадай зохёолшо Сэнгын Эрдэнын зохёолнуудтай энэ сахим хаягта танилсахат: test.erdene-foundation.com
7. Монголой Арадай уран зохёолшо, Монголой урлалай габьяата ажал ябуулагша, драматург, киносценарист Сэнгын Эрдэнын дурасхаалда зорюулагдаһан «Минии үбгэ эсэгэнэрэй тоонто – Ярууна» гэжэ можо нютагууд хоорондын мүрысөөндэ хабаадагшын энэ мүрысөөндэ хабаадаха тухай нюур зааһан мэдүүлгэ:
1) Нэрэ, обог, эсэгын нэрэ
2) Можо, нютаг
3) Хаяг
4) Ажалай газар, хэдэг ажал
5) Һуралсалай газар, анги, курс
6) Наhанай хэмжүүр
7) Утаһанай дугаар, сахим хаяг (заатагүй!)
8. Сэгнэлтын эрилтэнүүд:
Тус мүрысөөн хоёр шатаһаа бүридэнэ: хабаадагшадые уридшалан шэлэн абалгын шата, түгэсхэлэй шата. Уридшалан шэлэлгэдэ шүүлгын бүлэг 9 гэшүүдһээ бүридэнэ.
Шэлэн абалга иимэ эрилтэнүүдээр сэгнэгдэхэ:
· өөрсэ тала
· ажалнуудай мүрысөөнэй зорилгодо ба темэдэ тааралдал
· ажалай ниитэ удха шанар
· найруулгата, уран тодо бэшэлгэ
· ажалнуудай мүнөө үе сагта таарлдал
9. Мүрысөөнэй дүн гаргалга ба шагнал
Ажалнуудаа оруулха болзор – 2016 оной июниин 30 болотор. Ажалнуудые шалгалга ба сэгнэлтэ – 2016 оной июлиин 14. Түгэсхэлэй шата 100 эрхим хабаадагшадтай Яруунада үнгэрхэ. Түгэсхэлэй шатада хабаадагшад уран тодо уншалгаар мүрысэхэ, мүрысөөнэй дүн июлиин 15-да соносхогдоно. Эрхим хабаадагшад июлиин 15-да шагнагдаха.
Мүрысөөнэй экспертнэ шалгагшад I, II,III һууринуудай Дипломуудые олгохо.
Мүрысөөнэй дүн тухай мэдээн Яруунын аймагай сайт дээрэ табигдаха, «Буряад үнэн», «Информ Полис» гэһэн гүрэнэй һонинуудта, тиихэдэ аймагай «Ярууна» һонин соо хэблэгдэхэ. Мүрысөөнэй бүхы ажалнууд Монголдо хэблэгдэхэеэ байһан суглуулбари соо орохо.
Шагналай жаса:
Наһанай илгаануудаар:
1-дэхи (8-һаа 18 болотор):
II hуури – 35000 тухэриг
III hуури – 17500 тухэриг
2-дохи (18 наһанһаа дээшэ):
I hуури – 70000 түхэриг
II hуури – 35000 тухэриг
III hуури – 17500 тухэриг
Түгэсхэлэй шатада ороһон мүрысэгшэд хабаадаhанайнгаа түлөө Дипломуудта хүртэхэ.
