Эндэ һураха һанаатай 4-һөө 11 хүрэтэр наһанай үхибүүдые бүридхэлдэ абалга даб дээрээ боложо байна, энэнь юһэн һарын дүүрэтэр үргэлжэлхэ ёһотой. Тиихэдээ хоёр, дүрбэн, зургаан гарагуудта 19:00 - 20:30 сагуудай хоорондо Ербановай гудамжа, 3 хаягаар (хотын унаагай «Зүблэлтын талмай» гэһэн буудал) бүридхэлдэ абалга боложо байха.
Асуудалнууд гараха байха, тиигэбэлнь 212-313; 8 983 431 99 72 дугаарай утаһануудаар холбоо тогтоожо асуугаарайт.
Үшөө хатарай талаар нэмэжэ хэлэмээр байна гэбэл, арадай уран бэлигэй талаар Оросой Холбооной габьяата бүлгэм – «Булжамуур» гэжэ арадай хатарай шуулга мүн лэ хүүгэдые шэлэн абалга эхилбэ. Эндэ 5-6 наһанай басагад, 7-8 наһанай хүбүүд хэрэгтэй, шэлэн абалга юһэн һарын 2, 3, 4-нэй үдэрнүүдтэ Уласай уран бэлигэй түбтэ Красногвардейская гудамжа, 32 хаягаар үдэр бүри 11:00 сагһаа 14:00 саг болотор үнгэрхэ ёһотой.
Тус арадай шуулга 1984 ондо байгуулагдаһан, даб дээрэ манай улас дотор гансаараа Оросой Холбооной арадай уран бэлигэй габьяата бүлгэм гэһэн алдартай юм. Манай улас дотор үнгэржэ байдаг ямарханшье хэмжээ ябуулагнуудые айхабтар гоёор шэмэглэжэ байдаг энэ шуулгын хүтэлбэрилэгшэ, Оросой Холбооной соёлой габьяата хүдэлмэрилэгшэ Людмила Овчинникова, Оросой Засаг Газарай шагналтан, хатар найруулагша Алексей Цыремпилов гэгшэд ударидажа байдаг.
Холбоо тогтоохо арга: 45-53-25; 31-99-90 утаһанууд.
