Түрэлхи хэлэнэй хүгжэн һалбархын түлөө үнэн сэхээр оролдожо ябадаг хүнүүд энэ радиогой эхи табижа, ябадал гаргажа оролдоо, энээнэйнь үрэ дүн энэл мүнөө харагдаба гээшэ. XXIV Бандида Хамба лама Дамба Аюшеев буряад арадайнгаа нэрэ һүлдые үргэжэ, улас түрэдөө үльгэр жэшээ боложо ябадаг Жанна Дымчиковагай һанаашалгые үндэрөөр сэгнэн дэмжэжэ, энэ радио байгуулхада айхабтар ехэ оролдолго гаргажа, байгуулалсаһан байна. Тиигэжэ Хамба ламын урилгаар энэ хэрэгтэ хабаатай хүнүүд «Мэргэн баатар» гэһэн Хэрэгүүдые эрхилдэг Буряадай түбтэ 11 сагта «Буряад ФМ» радиогой агаарай долгиндо түрүүшынхиеэ гараһан ушарые тэмдэглэһэн баярта сугларба. Нэн түрүүн хэд бэ гэжэ нэрлэбэл, шэнэ радиогой ажаллагшадые хамаг оньһон түхеэрэлгэнүүдтэйнь (студитайнь) «Мэргэн баатар» соогоо түбхинүүлһэн Гүрэнэй Дүүмын үнгэрһэн хаһын депутат байһан М. В. Слипенчук, эбээн тэдхэлгэдэ хубитаяа оруулһан Буряадай Арадай Хуралай депутат Б. Д. Цыренов, буряадай Засаг Газарай хэблэлэй талаар харюусалгата нюур И. В. Смоляк, аймагуудай, хэблэлэнүүдэй түлөөлэгшэд байгаа. Энэ радиогой түбхинэһэн танхим 160 дүрбэлжэн м. талмай эзэлнэ, хоёр студитай. Нэгэн соонь уран һайханай дамжуулгануудые бэшэхэ, нүгөөдэ сооһоонь яряанай дамжуулагнуудые ябуулжа байха юм ха. Нээлгын баяр ударидаһан Оросой Холбооной Буддын шажанай заншалта Сангхын Бандида Хамба лама Дамба Аюшеев: «Буряад арадай радиогой нээлтын үнинэй хүлеэгдэһэн баяр танай хүсэлөөр, танай оролдолгоор, танай хани халуун хабаадалгаар бүтэбэ гэжэ баяртай, саашадаашье харилсаатай байхабди гэһэн найдалаа элирхэйлнэб» – гэжэ эндэ сугларһан зондо мэдүүлбэ.
СҮҮДХЫН 24 САГАЙ ТУРШАДА
Очирма Норбоева
1958
В Национальной библиотеке с размахом прошел XXXI Книжный салон
Более трех тысяч зрителей увидели яркое цирковое шоу «Экстрим»
Молодые библиотекари Бурятии приняли участие в конкурсе «Буквально»
«Веселушки» представили концерт-защиту: казачьи песни, частушки и сказки
Идёт приём заявок на фестиваль конкурс «ARTist Сибири. Крылья творчества»
