Улаан-Үдэ хотын соёлой болон урлалай Үдэрнүүдэй Москва, Санкт-Петербург хотонуудта эхилжэ байһан энэ үдэр, Москвагай талмайнууд дээрэ хүшэгэ нээгдэхын тээ урда гэхээр, Буряад Уласай Соёлой сайд Тимур Цыбиков «Москвагай радиодо» эмхидхэгдэһэн сэхэ дамжуулгада хабаадаба. Тиихэдээ Буряадай соёлшод энэ үедөө ямар байдалтай, ямар тиимэ туйлалтануудтай, үндэһэн арадай заншал гуримууд дээрэ үндэһэлһэн соёл, урлал гээшэ ямар байдаг юм, соёлшодой хоорондын харилсаан, можо нютагууд хоорондын болон уласхоорондын харилсаан, хамтын ехэ хэмжээ ябуулганууд гээд лэ соёлой талаар барагдахагүй олон асуудалнууд агаарай долгиндо сэхэ дамжуулгын үедэ тайлбарилагдаба. Тиихэдээ арбан нэгэн һарын 1-һээ 15 болотор үнгэрхэ ниислэл хотын соёлой Үдэрнүүд гол түлэб ямар зорилготой эмхидхэгдэнэб гэжэ мэдүүлбэ.
Энэ дамжуулга һонирхоһон хүнүүд эндэ: https://yadi.sk/d/E-sl8A72xszeS даража шагнаха аргатай.
