Өөрлигэй хүүгэдэй номой санда намарай намжаа октябриин 27-ной үдэр Буряад хэлэнэй hайндэрэй хэмжээндэ «Буряад онтохоной орон» гэhэн түрэлхи хэлэнэй саг 6-хи ангитай үнгэргэгдөө. Буряад хэлэнэй багша М. Н. Самбялова hурагшадаараа ерээ. Энэ түрэлхи хэлэнэй саг хэшээл шэнгеэр үнгэргэгдөө. Түрүүн үхибүүдтэ асуудал табигдаба, тиихэдэнь хүүгэд буряад арадай аман зохёол суглуулагшадые онтохошодые нэрлэн хэлэхэ даабарияа, эхин hургуулидаа үзэhэнөө hанан, тоолобод.
Тэдэмнай: А. Шадаев, А. Тороев, Д. Мадасон, Б. Абидуев гэгшэд ха юм даа. Буряад аман зохёолой гол нэгэн болохо онтохон тухай хөөрөөнэй эхилхэдэ үхибүүд hонирхон, анхаралтайгаар шагнабад. Хүүгэд, дурадхагдаһан викторинэ-асуудалнуудта харюусангаа, ехэ юумэ мэдэжэ абабад. «Туулай арсалан хоёр» гэжэ онтохон уншагдажа, удхань hурагшадай хүсөөр тайлбарилагдаба. Үльгэр, онтохонуудай номой үзэсхэлэн дэлгэгдээ.
Буряад хэлэеэ хүгжөөхэ, гүнзэгыгөөр шудалха, арадайнгаа ёhо заншал мартахагүй гэhэн зорилгоёо Өөрлигэй номой сан үхибүүдые хүмүүжүүлгэдэ хэрэглэнэ. Тиигэжэ һурагшад ехэ юумэ ойлгожо абана гэжэ эли харагдажа байдаг.
