Һуугаад, шүлэг бэшэе-аа гээ һаатнай сэдэбүүд байнал даа: «Шэнэ жэлэй шэди», «Үбэлэй угалзанууд», «Тахяа жэлээ угтуулан» гээд лэ, үшөөшье гоёнуудые һанаад, шүлэгүүдээ зохёожо эльгээгты.
Эрхим шүлэгтэ хүгжэм зохёогдожо, Шэнэ жэлдээ ороходоо Буряад ороноймнай мэдээжэ дуушад Шэнэ жэлэй шэнэ дуунуудые олоной һонорто табиха, тиихэдээ дуун болоһой гэжэ һанаһан шүлэгүүдтнай дуунай хэмжүүр соо анханһаа оруулагдаһан байха ёһотой.. Урилдаанда хабаадагшад наһанай илгаагаар 2 бүлэгтэ хубаарха: 10-һаа 17 хүрэтэр, 18-һаа дээшэ наһанай гээд.
Онсо гэжэ илгаран шэлэгдэһэн шүлэгүүдэй авторнууд «Оранж-Хаус» гэһэн амаралтын түбтэ гэр бүлөөрөө амарха путёвконуудаар, «Эрдэни» гэһэн һуралсалай түбэй сертификадуудаар, шэнэ жэлэй бэлэгүүдээр урмашуулагдаха. Нютаг хэлэн дээрээ зохёоһон, уран хурса найруулгатай, өөрсэ маягтай шүлэгүүдыетнай агаарай долгёоор олон түмэн шагнагшадайнгаа һонорто дамжуулхабди.
Буряад-ФМ вконтакте, мүн buryadfm@gmai.com гэһэн хягаар 12 һарын 28 болотор шүлэгүүдытнай хүлеэн абахабди.
Харилсаха утаһан: 588 543
