Буряад Уласай Буряад Уласай Соёлой сайд Тимур Цыбиков Буряад оронойнгоо бүхы оюутадые Татьянын үдэрөөр – оюутадай үдэрөөр амаршалба..
Хүндэтэ нүхэд, таанарые Оросой Холбооной оюутадай үдэр гэгдэдэг Татьянын үдэрөөр амаршалнаб!
Буряадай эрдэм һуралсалай гурбан эмхи зургаанууд – П. И. Чайковскийн нэрэмжэтэ дунда мэргэжэлэй урлалай һургуули, Буряадай улас түрын дунда мэргэжэлэй хатарай һургуули, Зүүн-Сибириин Соёлой дээдэ һургуули гээд Буряадаймнай соёл урлалай мэргэжэлтэдые бэлдэжэ байдаг. Гүрэн түрын ниитын болон зан заншалнуудай хүгжэлтэдэ соёлой болон урлалай һалбарида эмхидхэгдэһэн һуралсалай үүргэ тон ехэ. Соёлой үндэр туйлалтануудай соёл болон урлалай һургуулинуудта зүбөөр бэлдэгдэһэн мэргэжэлтэд дээрэл үндэһэлдэг байдагынь эли.
Саашанхи ажабайдалдаа урлалай зам шэлэһэн залуушуулые мүнөөдэр би амаршалнаб! Оюутан хаһа – хүнэй наһанай эгээл һайн, эгээл һайхан хаһа гэжэ мэдэнэбди. Тиимэһээ энэ хаһын баяр баясхалан ба хани нүхэсэл таанарай зүрхэ сэдьхэлдэ олон удаан жэлнүүд соо һанагдажа ябаһай гэжэ хүсэнэб. Энэл хаһа амжалта түгэс жаргалтай замайтнай эхин болоһой. Эгээ энэл хаһа хүнэй саашанхи ажабайдал болон амжалтануудта, хамаг бүхы түсэбүүдээ бэелүүлгэдэнь нүлөөлдэг ха юм. Соёл урлалай һалбарида Буряад Уласаа, арадаа үргэн магтаха олон олон агууехэ нэрэнүүдэй мүндэлхэ байһанда этигэнэб. Энэ хаһатнай саашанхи ажабайдалдаа арад түмэнөө үргэхэ арга шадалтай агууехэ хүнүүдые анхаран дэмжэхэ эрдэм мэдэсэ, арга шадабари үгэһэй.
Энэ һайндэр танда эрмэлзэлэй, уран бэлигэй, найдалай, инаг дуранай эрхим һайхан һайндэр болоһой гэжэ хүсэнэб!
Буряад Уласай Соёлой сайд Тимур Цыбиков
