Буряад Уласай Толгойлогшо доторой хизаарлагдамал гуримтай (лат. Internus) хамтын байратай һургуули байгуулха тухай асуудал дээрэ хүдэлхыень Буряад Удасай Соёлой яаманда даалгаба.
Уран бэлигэй болон болбосоролой талаар ниигэм, мэргэжэлтэдэй эблэл иимэ һургуули хэрэгтэй, энэ асуудал шиидхэхэ хэрэгтэ туһа үзүүлыт гэжэ уласай Толгойлогшодо үнгэрһэн долоондо хандаһан байгаа. Энээн тухай Буряад Уласай Толгойлогшын хэблэлэй албан дуулгаба. Даб дээрээ эгээл иимэ һургуули дунда мэргэжэлэй хатарай һургуулиин дэргэдэ ажаллажа байдаг юм. Үшөө Зүблэлтэ засагай үедэ байгуулагдаһан Бау Ямпиловай нэрэмжэтэ уласай хүүгэдэй урлалай һургуули бэлигтэй бэрхэ хүдөөгэй хүүгэдтэ доторой хизаарлагдамал гуримтай хамтын байратай һургуули болгогдохо хараатай байгуулагдаһан байгаа, гэбэшье тэрэ үедөө энэ һаналынь бэелүүлэгдэнгүй үлэшэһэн байгаа юм ха. Буряад Уласай Толгойлогшо Буряад Уласай соёлой сайдта «Ород драмын театр» гэһэн буудал багаар байдаг хамтын байрые заһабарилхада болон һургуулиин ажабайдалда хэрэгтэй болохо гаргашануудые тооложо дурадхахыень даалгаба.
