Хүндэтэ нүхэд, сэдьхэл бодол, ажал нэгэтэн!
Эрдэм хадаа мүн лэ соёлой хуби ха юм даа, тиимэһээ мүнөө үедөө шэнжэлгын ехэ хүдэлмэри ябуулжа байһан, эрдэм ухаанай талаар шэнэ туйлалтануул болон нээлтэнүүд дээрэ ажаллажа байһан бүхы эрдэмтэдые үнэн зүрхэнһөө амаршалнаб!
Олон олон эрдэмтэдэй аша үрэтэйгөөр ажаллажа байһанай гэршэ манай Буряад орондо айхабтар ехэ, эрдэмэй туйлалтануудай жаса баян. Бидэ хэдэн олон жэлнүүдэй туршада Монгол орониие, Буддын шажан болон Түбэд шэнжэлэлгын, тиихэдэ Зүүн-Сибиириин соёлой дээдэ һургуулинуудтай нягта харилсаатай ажаллажа байһандаа омогорхолтой байһанаа мэдүүлнэб.
Түүхын эрдэмэй доктор, профессор Надежда Базаржаповна Дашиева Зүүн-Сибиириин соёлой дээдэ һургуулиин буряадуудай заншалта соёл шэнжэлгээр габьяатай байһандаа 2016 оной декабрь һарада Буряад Уласай Гүрэнэй шагналда хүртэбэ бэлэй.
Буряадай бүхы эрдэмтэдтэ талархалаа, саашадаа нягта харилсаатай ажалаа ябуулжа байха найдалаа мэдүүлнэб. Эрдэмэй хүгжэн мандаха хэрэгтэ хубитаяа оруулан амжалтатай ажаллажа байхыетнай хүсэнэб!
Буряад Уласай Соёлой сайд,
социологиин эрдэмэй кандидат,
доцент Тимур Цыбиков
