Маанарай бултанаймнай хамтын һайндэрөөр!
Соёлой һалбари олон шэглэлтэй, гэбэшье манай агууехэ ороной соёлой талаар туйлалтануудые гамтай сахиха, арьбадхаха талаар хамтын уялганууд маанарые бултыемнай нэгэдүүлнэ. Үдэр бүриингээ ажалаар хүнүүдые баясуулжа, хүнүүдтэ һайхан мэдэрэл түрүүлжэ, тэдэниие һайн һайханда этигүүлжэ байнат. Танай хүдэлмэриин дүнгүүдээр хойшонхи үеымнай омогорхохо байһанда бата этигэнэб. Танай бүтээжэ, хэжэ байһан бүхы ажалтнай эхэ Буряадтаа дуратай байһанайтнай гэршэ, олон түмэндэ үльгэр жэшээ, энэл таанарые үшөөл урагшатнай, үшөөл дээшэтнай хүсэ шадал нэмэн зоригжуулна. Үнгэрһэн жэл танай хүсэл оролдолгын ашаар һайн һайхан үйлэ хэрэгүүдээр баян байгаа. Манай ниигэмэй бүхы һалбаринуудай хүгжэн һалбарха хэрэгтэ горитойхон нүлөө үзүүлээт. Үнгэрһэн сагай жэл бүхэн таһалгаряагүй ажалайтнай шатанууд болон һубаряа, урдатнай шэнэ шатанууд, шэнэ үйлэ хэрэгүүд, шэнэ уулзалганууд хүлеэнэ!
Зохёохы ажалаа урагшатай бэелүүлхын тула хүн бүхэнтнай хүсэтэй, шадалтай, зохёохы ехэ эрмэлзэлтэй, элүүр энхэ байг!
Хэһэн, бүтээһэн хэрэг ажалтнай таанарай дура, сэдьхэлһээ һабагшатай, һайн бүтэсэтэй, һайхан хойшолонтой байһай!
Һайндэрөөр, хүндэтэ нүхэд!
Буряад Уласай Соёлой сайдай уялгануудые дүүргэгшэ Т. Г. Цыбиков
