Энэ һайндэр тэмдэглэдэг орон гүрэнүүдэй тоо жэлһээ жэлдэ олошоржо байна. Айхабтар хурданаар хубилжа байдаг хүлгөөтэй, юрьеэтэй юртэмсэ дээрэ үзэсхэлэн дэлгэдэг газарнууд тэрэл амгалан янзаараа улад зоноо угтажа абажа, аалин намдуухан оршондо үнгэрһэн түүхые үндэһэн баримта болгон, шэнэ һонин мэдэсэнүүдые дурадхажа, олгожо байһан зандаа.
Мүнөө үедөө үзэсхэлэн дэлгэдэг газарнууд эрдэмэй, гэгээрэлэй ехэ хүдэлмэринүүдые шударгы ябуулдаг, арад түмэнэй дунда дэлгэрүүлжэ байдаг болонхой. Энэ албанай аша туһаар хүнүүд үнгэрһэн соёлоо, соёлойнгоо ехэ баялигуудые, түүхэеэ мэдэжэ абана. Энэ үдэр би эндэ ажалтай бүхы хүнүүдые, мэргэжэлтэдые үнэн зүрхэнһөө амаршалнаб. Таанарай ажал арад зоной анхарал ехээр эзэлжэ байдаг бэшэшье һаа, Буряадаймнай үзэсхэлэн дэлгэдэг газарнуудай ажаллаха, хүгжэхэ хэрэгтэ горитой нүлөөтэй гэжэ мэдээжэ ха юм даа. Жэл бүри хэдэн олон үзэсхэлэнгүүдые олоной үзэмжэдэ дурадхан дэлгэжэ байдагта. Байгал тойроһон арадуудай үзэсхэлэн дэлгэдэг газар 2016 оной эрхим эмхи зургаан гэжэ «Оросой Холбоондо амаралта» гэһэн сэтгүүл соо нэрлэгдээ бэлэй.
Манай үзэсхэлэн дэлгэдэг газарнууд хэдэн үе харагшадые холбон, тэдэнэй гэгээрлдэ ехэ анхарал хандуулна, урагшатай, ашатай үрэтэй ажал ябуулна.
Үшөө дахин мэргэжэлтэ һайндэрөөр, хүндэтэ үзэсхэлэн дэлгэдэг газарнуудай мэргэжэлтэд!
Буряад Уласай Соёлой сайдай уялгануудые дүүргэгшэ Тимур Цыбиков
