Хүндэтэ нүхэд! Та бүгэдэниие Буряад Уласай Соёлой яаманай зүгһөө Оросой Холбооной Номой һангай үдэрөөр амаршалнаб!
Номой һангуудые хэдэн олон мэдээсэлнүүдэй дэлхэй дүүрэн таража, дэлгэржэ байдаг мүнөө үедэ тэдэ мэдээсэлнүүд соо зүг шэгээ алдахагүй үндэр мэргэжэлтэй хүдэлмэрилэгшэдөөр хангаха шухала.
Мүнөө үедөө Буряад орондо уласай хэмжээнэй 2, тиихэдэ номой һангай 19 хамтадхагдамал гуримуудай бүридэлдэ 374 номой һангууд тоологдоно. Үшөө 59 номой һангууд соёлой-мэдээсэлэй түбүүдэй бүридэлдэ ажалаа ябуулжа байдаг юм. Буряадаймнай хүн зоной хамтын тоогой 39,5 хубинь урда мэтэ номой һангуудаар ябажа, тэндэһээ туһа хангамжа абажа байна гэхэһээ, энэ тоо гэхэ гү, али номуудые уншадаг хүнүүдэй тоо олошоржо байна.
Номой һангууд хүн зониие номуудаар хангаха гол үүргынгөө хажуугаар хүнүүдэй сүлөө агаа үнгэргэдэг, бусад ондоо хэмжээ ябуулгануудые эрхилжэ, уулзалгануудые үнгэргэжэ байдаг газар боложо байна. Энэнь ургажа ябаа залуу үетэниие хүмүүжүүлхэ олон ондоо аргануудай һайн талань гэжэ онсолхо шухала. Эндэ номой һангай хүдэлмэрилэгшэдэй айхабтар ехэ үүргэ дүүргэжэ байһан эли.
Шэлэһэн мэргэжэлдээ үнэн сэхэ, тушаалта уялгануудтаа һайнаар хандажа ажалаа ябуулжа байдаг таанартаа баяраа мэдүүлнэб. Энэ һалбарида ажаллажа байһан хүн бүхэндэтнай, гэр бүлэдэтнай жаргал хүсэнэб. Зохёохы үндэр амжалта туйлажа, энхэ элүүр һуугыт даа!
Буряад Уласай Соёлой сайдай уялгануудые дүүргэгшэ Тимур Цыбиков
