Зургаан һарын 6-да «Ойн баярта» гэһэн амаралта ба сэнгэлгын сэсэрлиг соо 17:00 сагһаа дээрэ нэрлэгдэһэн һайндэр эхилхэ. Энэ тон ехэ удха шанартай хэрэгэй эхин дээрэ – Буряад Уласай Үндэһэн номой һан.
Ород хэлэнэй үдэрэй тэмдэглэгдэжэ заншал болоһон үдэр хадаа А. С. Пушкинай түрэһэн үдэр юм. Александр Пушкинай айхабтар олон шүлэгүүдынь байгаали тухай, байгаалиин һайханиие зураглан харуулһан гэжэ мэдээжэ. Манай Буряад ороной гол баялиг Байгал далаймнай. Тиимэһээ энэ ехэ баялигаа аршалан хамгаалха нангин уялгамнай бусад олон асуудалнуудай эгээл урдань байха ёһотой гэнэбди. Мүнөө үеын зохёолшод олон һайхан зохёолнуудаа алдарта Байгалдаа зорюулһан байдаг. Оросой Уран зохёолшодой холбооной гэшүүн Елизавета Бильтрикова Байгал далайе дииваажан мэтэ һайхан дайдымнай гол шэмэг гэжэ нэгэ шүлэг соогоо бэшэһэн байна.
Буряад шүлэгшэдэй шүлэгүүдые сугларһан зондо тараажа барюулха, тэдэ хүнүүд абаһан шүлэгүүдээ тайзан дээрэһээ уншаха аргатай. Энэ һайндэртэ Алина Намсараевагай хүтэлбэрилдэг хүүгэдэй бүлэг хабаадуулагдаха.
Еши Дармахеевэй гүйсэдхэлгөөр морин хуур зэдэлхэ. Ород хэлэн, Байгал тухай асуудалнууд-харюунуудай наадан хараалагдана. Тон эдэбхитэй хабаадагшадта урмашуулгын шагналнууд барюулагдаха байха.
