Эндэ гурбан зуу гаран жэлнүүдэй хугасаа харуулһан үзэсхэлэнгүүд дэлгээтэй (XVII зуун жэлэй һүүл багһаа XX зуун жэлэй эхин болотор). Ехэнхидээ гэр бараанда хабаатай хэрэгсэлнүүд – аяга табагууд, бусад амһартанууд, ажалай хэрэгсэлнүүд, үндэһэн хубсаһан, гоёолтонууд, хүнүүдэй али нэгэн отогто хабаатай ушарые гэршэлһэн гэрэл зурагууд бии. Доторойнгоо байдалтай буряадуудай һэеы гэр, ородуудай модон гэр Буряад орондо олон яһатан арадуудай ажаһуудаг баримтануудые ойлгохо ушарта һайн түлхисэ болоно.
Үшөө тиихэдэ аяар XVIII зуун жэлдэ хори буряадуудай 11 эсэгын түлөөлэгшэдэй сагаан хаанда ошоһон тухай мэдээсэл дүүрэн хэмжээндэ үгтэнхэй.
Ш-Н. Хобитуев болон нэрэеэ орхёогүй хүнэй хуушан монголоор бэшэһэн хори буряадуудай гарбал тухай һонин мэдээсэл бии. Хориин Эрдэни тайшаагай барижа байһан саарһа дансанууд, тамга байха.
М. Н. Хангаловай нэрэмжэтэ Буряадай түүхын үзэсхэлэн дэлгэдэг газар Профсоюзай гудамжа, 29 хаягаар байдаг, холбоо тогтоохо утас 21-40-08
