Энэ һарын 15-25-най үдэрнүүдтэ «Экспо-2017» гэһэн бүхэдэлхэйн үзэсхэлэнгэй соёлой хуби боложо, хүгжэмтэ мүрысөөн түрүүшынхиеэ үнгэргэгдэхэ шиидхэбэри абтаад, энэ үедэ үнгэржэ байна. Гол эмхидхэлшэнь Казахай үндэһэн урлалай ехэ һургуули, Европын соёл дэмжэдэг жаса (Мальта), Ази-Европын урлал дэмжэдэг жаса. Тэрэ мүрысөөндэ манай театрай гол дуушан Михаил Пирогов хабаадалсана. Хабаадагшад 12-һоо дээшэ 35 хүрэтэр наһанай байха эрилтэтэй. Нааданда дэлхэйн 18 гүрэнүүдһээ хабаадагшад сугларна.
Шүүлгын бүлэгтэ хүгжэмтэ урлалай мэдээжэ габьяатан хабаадана: Казах Уласай арадай зүжэгшэн Айман Мусахаджаева, Зүблэлтын, Оросой дууриин дуушан Любовь Казарновская, СССР-эй арадай зүжэгшэн Константин Орбелян, Пабло Сарасетиин нэрэмжэтэ мүрысөөндэ илагша Карэн Шахгалдян, Казахай габьяата зүжэгшэн Шахимардан Абилов, пианистнар Юрий Диденко Альберт Мамриев хоёр, Италиин академиин юрэнхылэгшэ, уран һайханай хүтэлбэрилэгшэ паоло Бальери, Казахай соёл урлалай габьяата ажал ябуулагша Тимур Урманчеев, Италиин скрипкэ дээрэ наадагша, хүгжэмэй шуулга хүтэлэгшэ Пьерклаудио Фей, Турциин Бурса хотын гүрэнэй симфоническэ шуулгын захирал Гекче Озлер, Анкарайгай Метин Туран, уласхоорондын мүрысөөнүүдтэ илагша, Украинын Геннадий Кабка.
Красноярск хотын ехэ тоглолто дээрэ Любовь Казарновская манай дуушан Михаил Пироговто энэ уласхоорондын ехэ мүрысөөндэ оролсохыень дурадхаһан байха юм.
Зай, иигээд лэ, гютагайнгаа дуушанда амжалта хүсэел даа!
