2018 оной эхиндэ үгы болон хосоржо байһан хэлэнүүдые үшөө дахин тодорхойлжо үзэбэ. Тиихэдээ Оросой Холбооной дэбисхэр дээрэ 136 хэлэн үгы болохо туйлдаа хүрөөд байна гэжэ элирүүлээ. Тэрэ тоодо буряад хэлэн нэрлэгдэнэ.
Буряадай Засагай Газар һүүлэй үндэ хэдэн олон хэмжээ ябуулгануудые үнгэргэдэг болонхой. Буряад Уласай Соёлой яаман хэдэн зуугаад номуудые буряад хэлэн дээрэ хэблэжэ гаргаа. Юртэмсын бусайдаһан соо «Соёл.ру», «Алтаргана» гэһэн буудалнууд урангатай һайн ажаллажа байнад. Уран шүлэг, дуунуудай үгэнүүд мүндэлжэл байна, буряад хэлэн дээ «КВН», шогтой зугаатай «Хүхюу буряад», тиихэдэ агаарай далгиндо ба сэнхир дэлгэстэ һонирхолтой дамжуулагнууд олон болоо. Хүүгэдтэ зорюулагдаһан «Абяа гарадаг сагаан толгой» гэжэ тон өөрсэ һонин сахим наадан бии болоо. Тиихэдэ дэлгэс дээрэ буряад хэлэн тухай өөрынгөө бодомжонуудаар Арадай Хуралай Түрүүлэгшын орлогшо В. Павлов, XXIV Пандида Хамба лама Д. Аюшеев, монголшо эрдэмтэн Ж. Бадагаров, сэтгүүлшэн Н. Шабаев гэгшэдэй хубаалдаһан бүтээл байгуулагдаа. Тэрэ бүтээлыень танай анхаралда дурадханабди.
