Ютубта Буряад орондо мэдээжэ «Саран хүхын аялга» дуунай клип хараад, хэн дуулана гээшэб гэжэ һонирхоод, шэнэ хамталигтай танилсабабди. Хамталигай ахалагша болохо, саксофоноор наададаг Алтангэрэлийн Золбоотой хөөрэлдэхэдэмнай, иигэжэ тэмдэглэбэ:
- Би өөрөө Дорнод аймагай Баяндүн нютагта түрэһэнби. 2017 ондо хүгжэмшэ нүхэдтэйгөө суглараад, урдан сагта хүн олоной дура татаһан «Онон» хамталигай ажал үргэжэлүүлжэ, өөһэдынгөө бүлгэм суглуулха гэжэ шиидээбди. Түрүүшын видеоклип буулгахадаа, зоной таниха буряад аялга шэлэхэ гэжэ оролдообди. Манай һанамжаар, энэ дуун манай зохеохы харгыдамнай үлүү ехээр таарана.
Тиигэжэ Алтангэрэлийн Золбоо (Дорнодой Баяндун сум), Пүрэвдоржийн Намсрай (Дорнодой Баяндун сум), Базардаргиа Батсайхан (Дорнодой Дашбалбар сум), Болор-Эрдэнийн Алтангадас (Дорнодой Баян-Уул сум), Отгонжаргалын Мөнх-Од (Хэнтэйн Дадал сум) хамтадаа сугларба гээшэ. Дуунда дуратай залуушуул Буряад ороной дуушадые ходо шагнадаг тухайгаа тобшолно. Түсэбүүд тухайгаа залуушуул хубаасалдахаа һананагүй.
- Дан эртэ гээшэ. Түсэбүүдээ нээхэ саг ерээдүй, - гэжэ хүбүүд нэмэнэ.
САРАН ХУХЫН АЯЛГА
Үг. ба хүгж. Баясхалан Батоевой
Саран хүхын аялгаар
Дайдамни уняартан һэргэнэл.
Хайран уян сэдьхэлни
Дурдан шамайгаа хүлеэнэ.
Хайран уян сэдьхэлни
Дурдан шамайгаа хүлеэнэ.
Урасхал горхоной дээгүүр
Шубуудай ганганаан дуулдана.
Уулзалга тухайгаа бодоод,
Уяран, баясан ябанаб.
Уулзалга тухайгаа бодоод,
Уяран, баясан ябанаб.
Гуниг дүүрэн һарын
Шара набша соогуур,
Аянай шубуудай дуунһаа
Уяран хүлеэнэб шамайгаа.
Аянай шубуудай дуунһаа
Уяран хүлеэнэб шамайгаа.
Зохёохы замтнай сэхэ-сэбэр,
Һанаhан хэрэгтнай бyтээмжэтэй
Буряад хэлэ-соелой һэргээһэнэй буянай жаргал эдлэжэ, амжалта хyсэнэбди!
Хамталигай Фэйсбук хуудаһан https://www.facebook.com/%D0%9E%D0%BD%D0%BE%D0%BD-live-music-band-106848784213651/
