50 жэлэй саана Ленинградай театральна ехэ һургуулида ороһон хангай Буряад оронһоо залуухан үхибүүд тухай баримтата кино гараба. Эдэ басагад-хүбүүд хоёрдохи «буряад» студиин гэшүүд – Буряад Драмын театрай зүжэгшэд мүн байгаа.
Тэрэ сагһаа хойшо нилээн олон жэл үнгэрөө. Мүнөө тэдэ оюутад – Ород, Буряад ороной арадай, габьяата зүжэгшэд болоһоор үнинэй. Михаил Елбонов, Людмила Дугарова, Дарима Сангажапова, Чингис Гуруев нюдэндөө гал аһаад залуу гүлмэр наһан тухайгаа хөөрэнэ.
