Буряад хэлэ дэмжэхэ, тэрэниие хүгжөөхэ гол уялгатай хошон зугаа дүүрэн мүрысөөнэй хоёр шэглэлынь: «Хүхюу Буряад», «Хүхюу Internet» энэ жэлэй 5 һарада үнгэрөө һэн. Тиихэдээ энеэдэн соогуур үнгэрһэн энэ наадан харагшын сэдьхэл амар заяагүй хүлгөөжэ шадаа даа! Тэрэнэй гол шан Зэдын аймагай Сагаатай тосхоной «Шэнэ үе» театр абаа.
Мүнөө хадаа ТГ «Абсолют» ба «Амар мэндэ» гэһэн һуралсалай түб 30 000 түхэригэй шан «Хүхюу Зохёолшоной» түрүү хабаадагшада ба бэшэшье үнэтэ шангуудые бэлдээд байна. Энэ урилдаанда буряад хэлэтэй, ямаршье наһанай, ямаршье яһанай хүн хабаадаха эрхэтэй. Тус урилдаан 2019 оной 10 һарын 15 болотор үргэлжэлхэ. Илалта туйлагшадта шагналнуудые барюулгын баяр ёһолол октябрь һарада Буряад хэлэнэй үдэрнүүдэй хэмжээндэ үнгэргэгдэхэ. Урилдаанда гэжэ ороһон зохёолнууд «Буряад үнэн» сониндо гү, али Хэблэлэй байшанай сайт дээрэ http://burunen.ru/ толилогдохо.
Мэдүүлэлгэнүүдээ 10 һарын 15 болотор «Буряад Үнэн» хэблэлэй байшанай хаягаар unen@mail.ru эльгээгты.
Дэлгэрэнгы мэдээсэл 8(3012) 210770 (Цыбикова Норжима Доржиевна) утаһаар али эндэһээ мэдэхэдэ болохо.
Бүхы онуудай хабаадагшадые тайзан дээрэ эндэ аргатайт. https://vk.com/humor03
