«Түрэл буряад дайдаяа түүрээн магтаха золтойлби” гэһэн Гунгаа Чимитовэй үгэнүүдтэ таруулһан энэ наадан Доржо Банзаровай нэрэтэй Буряад Гүрэнэй ехэ һургуулида 10 һарын 18-да үнгэрхэ. Гол уялганиинь хадаа буряад уран зохёолшодой замтай танилсуулга, буряад литературын нэбтэрүүлгэ, эдиршүүлэй ба жаа үхибүүдэй, Буряад Уласта байгша зоной зохёохы ажалай дэмжэлгэ, хүгжэлтэ болоно.
Нааданда 3 наһанай зон оролсохо:
- 5-8 ангиин һурагшад.
- 9-11 ангиин һурагшад.
- ССУЗ ба ВУЗнуудай оюутад.
Энэ урилдаан 4 шэглэлтэй:
I. «Уянгын шүрэ» – «Уран шүлэг» хоёр шататай:
1. Гунгаа Чимитовэй шүлэгүүдые али баснинуудые уран гоёор уншаха;
2. «Эжы, эжы, эльгэ зүрхэнш, эгээл дүтэл намдаа...» гэһэн сэдэбтэй өөрын зохёол дурадхаха.
II. «Уран һайханай юртэмсэ» баһа хоёр шататай:
1. «Үргэлжэлһэн зохёол». Сэдэбынь «Түрэл буряад дайдаяа түүрэн магтаха золтойлби...»;
2. «Найруулга» (Эссе) – «Буряадайм хэшэг – буурал далай...».
III. «Хурса гуурһан» - «Журналистика» - энэ урилдаанда 9-11 ангиин һурагшад ба оюутад хабаадана. Гол сэдэб: «Нютагаймнай түрүү хүнүүд».
IV. «Уран зурааша» - Гунгаа Чимитовэй зохёолнуудаар зурагууд:
1) зураг, графика;
2) сахим зураг, графика.
Нааданда хабаадагшад мэдүүлэлгээ 10 һарын 1 болотор kimtsudenov@mail.ru. хаягаар эльгээхэ, үгы һаа Улаан-Үдын Ранжуровай гудамжа, 4 (8-дахи байшанай 1 дабхар, 8123 үрөө руу Халхарова Лариса Цымжитовнада асархада болоно. Харилсаха утаһан 89246543772.
Эрхим бүтээлнүүд «Буряад Үнэн» сониндо хэблэгдэхэһээ гадна, тусхайта согсолбориин ном боложо гараха.
Дэлгэрэнгы мэдээсэл эндэ үгтэнхэй.
