1921 онһоо 1936 он болотор Монгол орондо хүдэлһэн Дани гүрэнэй эрхэтэд 200 гаран зурагуудаараа хубаалсалдаба. Эдэ хадаа утаһанай холбооной мэргэжэлтэд: К. П. Альбертсон, К. И. Кребс ба Л. Тайдманд болоно. Эдэ зурагууд баян ба үгытэй юрын монголшуудые, үндэһэн һайндэрнүүдые, монгол эхэнэрнүүдые, нүүдэлшэдэй соелые, үдэрбүриин ажабайдалые тодо харуулна.
Үзэсхэлэн «Монгошуудай түүхэ гэрэл зурагууд соо» түсэлэй зургаадахи хубинь болоно. Энэ түсэл Уласхоорондын Монгол орон шэнжэлгын нэгэдэл, Монголой Үндэһэн Архив, Улаанбаатар хотын музейтэй суг үүсхэнэ. Түсэлэй зорилго хадаа - хилын саана байһан музейнүүдтэ, номын сангуудта, архивнуудта, хубиин согсолборидо хадагалагдажа байһан XIX, XX зуунжэлнүүдээр хэгдэһэн, Монголдо хабаатай хомор фото али ондоо баримтануудта суглуулжа «Монгол орон ба монголшууд» гэһэн олон ботито ном соо хэблэхэ. Үзэсхэлэндэ харуулагдаһан зарим зурагууд номдо оронхой гэжэ тэмдэглэе.
