Олон жэлэй туршада амжалтатайгаар хүдэлжэ, хэдэн олон зохёол шүлэгүүдые бэшэжэ, тэдэнэй ном болгожо хэблэһэн габьяатай Буряадай арадай бэшээшэ Ардан Ангархаев, Буряадай арадай поэдүүд Галина Раднаева, Дулгар Доржиева, Галина Базаржапова-Дашиева, Константин Соболев, Баир Дугаров, Андрей Румянцев гэгшэдтэ тусхайта шагналнууд барюулагдаба.
Баярай бэшэг болон дурасхаалай бэлэгүүд Геннадий Башкуев, Доржо Эрдынеев болон Матвей Чойбонов гэгшэдтэ мүн лэ дамжуулагдаба.
Буряад Уласай Соёлой сайд Соёлма Дагаева «Ниитын мэдэрэлгэ» гэһэн номинацида эрхимлэһэн Владимир Гомбожапович Митыповта лауредай диплом барюулба.
Владимир Митыповай зохёолнууд олоной үндэр сэгнэлтэдэ хүртэһэн, мүнөөшье олон хүн уншадаг», - гээд сайд Соёлма Дагаева тэмдэглэнэ.
