Зохёон байгуулагша:
«Буряад-ФМ» радио-субаг
Урилдаанай гол зорилго:
1) 1990 онуудта эхилһэн «Дүрбэн бэрхэ» наада һэргээлгэ, хүгжөөлгэ.
2) Эхэ хэлээ үзэхэ, хүгжөөхэ оршом дэлгэрүүлгэ, үргэдхэлгэ. Эхэ хэлэндээ хүндэтэй хандаса хүмүүжэлгэ.
3) Арадайнгаа үри хүүгэдэй хүмүүжүүлгын (этнопедагогикын) ёhо гуримуудтай танилсуулха, түүхэ заншалаа гүнзэгыгѳѳр сэгнүүлжэ hургаха;
Урилдаа үнгэргэлгын болзор ба гуримууд:
2021 оной 2 һарын 13-һаа аймаг, нютаг хоорондын урилдаан «Буряад-ФМ» радиогой долгин дээрэ үнгэрхэ.
Наадан дүрбэн шатаһаа бүридэхэ, шата бүхэн 2-2 даабаритай байха.
Бүлэгүүдэй даабарида 1-һээ 10 хүрэтэр оноо табигдаха.
Шата бүхэнэй удаа оноонууд соносхогдохо.
Үгтэһэн саг баримталга оноо табилгада нүлөөлхэ.
Бүлэгүүдэй бүридэл:
1) Нютаг бүхэнһөө 18-30 наһанай 2-2 хүн бүлэгтэ орохо.
I шата
1-дэхи даабари.
ТАНИЛСАЛГА (2-2 мин.)
Нюураар нэрэтэй, нютагаар сэнтэй
Нютаг орон ба бүлэгэй гэшүүдтэй танилсалга.
2-дохи даабари.
БЛИЦ-АСУУДАЛНУУД (2-2 мин)
Түргэн бодол, тодо харюу
Наада хүтэлэгшын үгэһэн сэдэбүүдээр блиц-асуудалнуудта харюусан урилдаха: буряад хурим түрэ, уг удам, түрэл зоной харилсаан.
II шата
3-дахи даабари.
НЮТАГАЙ ЗАР МЭДЭЭ – РЕКЛАМА (2-2 мин.)
Олондоо туһатай, зондоо хүндэтэй манай үетэн...
Нютагай брендтэй танилсуулхадаа, доро үгтэһэн сэдэбүүдэй нэгые шэлэгты.
а) Гар урлал болон бусад үйлэ хэрэгүүд тухай.
б) Хүдөө һууринаараа үйлэдбэри байгуулга, олзын хэрэг эрхилэлгэ тухай.
в) Ниитэ хүдэлөө, залуушуулай бүлгэмүүдэй ажаябуулга.
4-дэхи даабари.
БОДОЛООРОО ХУБААЛДАЯ (бүхыдөө 10 мин)
Сэсэн бодол – сээжын баяр
Бүлэгүүд бэе бэедээ бодомжолгын 1-1 асуудал табиха. Асуудалай сэдэбүүд танай мүнөөдэрэй байдалһаа абтаһан байха. Оршон үеын залуушуулай хоорондохи харилсаан, һонирходог зүйлнүүд, нүхэсэл, инаг дуран, гэр бүлын, ажаһуудалай асуудалнууд г.м.
III шата
5-дахи даабари.
УГАЙ ҺУРГААЛНУУД
Эсэгын эрдэм - хүбүүдтэнь,
эжын шадабари - басагадтань
Үри хүүгэдэй хүмүүжүүлгэдэ хэрэглэдэг сэсэ мэргэн үгэнүүдые хэр зэргэ мэдэхэ байһанаа гэршэлхэ урилдаан-баттл. 15 минутаһаа ехэ бэшэ туршада бэе бэеэ дабтангүй, торонгүй, буряад оньһон хошоо үгэнүүдые хэлэхэ.
6-дахи даабари.
ХҮҮГЭДЭЙ ХҮГЖЭЛТЭ. ЁҺОЛОЛ, ЗАНШАЛНУУД (5-5 мин)
Ёһолол бүхэн ушартай,
ушар бүхэн удхатай
Асуудал һугалан абаад, даабари дүүргэхэ урилдаан. Шэлэн абаһан асуудалаа тайлбарилха, дэлгэрэнгы хөөрөө хэхэ.
- Тоонто нюуха
- Үхибүү үлгыдэ оруулха
- Милаанууд
- Нэрэ үгэхэ ёһо
IV шата
7-дохи даабари.
ШЭНЭ ҮЕ – ШЭНЭ ҮГЭНҮҮД (бүлэг бүхэндэ 10-10 үгэ үгэхэ)
Интернет оршондо хэрэглэгдэдэг үгэнүүд. Хүтэлэгшын хэлэһэн үгэ оршуулха даабари (уридшалан үгэнүүдэй толи үгтэхэ).
8-дахи даабари.
БҮЛЭГҮҮДЭЙ АМАРШАЛГА
(2-2 мин.)
Өөрсэ маягтай, һанаһан бодол хүсэлөө өөрын үгөөр харуулһан хүхюун амаршалга бэлдэхэ.
Нааданай дүн гаргалга
https://buryadxelen.com сайтһаа хэрэглэхэ статьянууд:
Би буряад-монгол хүн гээшэб!
Буряад-монголшууд бүгэдэ ниитын юртэмсэдэ
Буряад хүнэй ёһо гурим тухай (статьи Я. Ивахиновой, С. Цыбиковой, Л. Линховоина, Ц-Е. Цыренова, Т. Менжигийн)
Хүнэй абари зан тухай
Хүнэй наһан
Үхибүүн наһанай юртэмсэ
Хүмүүжүүлгын хүсэн
Дабтан хадууя!
Элинсэгэймнай захяа заабаринууд
Буряад-монголшуудай ажаһуудаг газар
Уг изагуураа удхалан хөөрэхэдэ...
«Буряад» гэһэн нэрэ
Угаймнай удха
Буряадуудай уг гарбал тухай
Ураг түрэлэй холбоо
Анханһаа зүб харилсаа сахижа һура
Хэшээхэ, сээрлэхэ зүйлнүүд
Һургаал боломоор ушарнууд
Сагаалган
Эрын гурбан наадан
Алтаргана
Амаршалганууд ба үреэлнүүд
Архи – ами наһанай дайсан
Басагадай хүмүүжэл
Хүбүүдэй хүмүүжэл
Сахим һураха номой толи
