НТВ субагай эмхидхэһэн «Ты - супер!» гэһэн бүхэроссиин түсэлдэ илажа гараһан тува яһанай Денберел Ооржак Улаан-Үдэдэмнай айлшалаа.
Июниин 29-30-да «Наадан-Сурхарбаан-2019» гэһэн үндэһэтэнэй ехэ нааданай түгэсхэлэй ехэ тоглолтодо Денберел Ооржак хабаадаа.
Энэ ирагуу хоолойтой хөөрхэн хүбүүе бүхы зон таниха болоо. Тыва Уласай багахан нютагта түрэһэн Денберел Ооржак хоёртойхон байхаһаа хойшо түрэлхидэйнгөө гэр бүлэдэ хүмүүжүү-лэгдэһэн юм. «Эжы» гэжэ энхэрэн нэрлэдэг Чодураа эгэшэнь лэ аялга дуунда дуратайень обёорһон ха.
Тиигэжэ хара багаһаа хүгжэм дуунда дуратай хүбүүн байгша ондо бүхэроссиин хэмжээнэй урилдаанда илалта туйлажа, үнэн бэеэ харуулаа, абьяас бэлигээ олон түмэнэй урда гэршэлээ.
