Буряад арадай соёлой элитэ ажаябуулагша 1940 ондо Үбэр Монголой Шэнэхээн нютагай Анандын Айлтагүй гэжэ эмшэнэй бүлэдэ түрэһэн намтартай. Бага наһанһаа хойшо буряад дуунай аялгада дуратай басаган һургуулингаа һүүлээр Хүлэнбээрэй уралигай уилищада оюутан болоо һэн. Тэрэниие түгэсэһэнэй һүүлээр 18 наһатайдаа Шэньян хотын консерватори ороо бэлэй. Тэрэнэй һүүлээр Үбэр-Монголой Уласай ансамблиин дуушан боложо, буряад, монгол хэлэнүүд дээрэ дуулахаһаа гадна, хитад, солонгос, түгэд, уйгур, казах, япон дуунуудые гүйсэдхэдэг һэн. Олон тэмсээн, наадануудта, ондоо арга хэмжээнүүдтэ хабаадаһан дуушан тоолохоор бэшэ олон шангуудта хүртэһэн байна. 1987 ондо Хитадай габяата артистын нэрэ олоһон аад, 1993 ондо Хитадай Арадай Артист зэргэдэ хүртөө. Ерээд онуудай һүүл багаар Анандын Нумаа багшын гэо-бүлэ Ород гүрэн руу зөөгөө.
Дуушанай мэргэжэлһээ гадна, Анандын Нумаа буряад арадай дуунуудые шэнжэлдэг байһан. 70 –аад онһоо 1000 гаран аялгануудые бүхы Үбэр-Монголһоо суглуулһан байна.
Суглуулбаринуудынь 1984, 1991, 2016 онуудта Хитадта хэблэгдэһэн байна. Буряад Уласта хэблэгдэһэн «Буряад-монгол арадай дуунууд» номтойнь эндэ http://soyol.ru/culture/books/4833/ танилсаха аргатайт.
Буряад Уласай Соелой Яаман, соелой эмхи зургаанууд ба соёлой нэгэдэлнүүд Анандын Айлтагүйн Нумаагай түрэлхидтэ уйдхар гашуудалаа мэдүүлнэ.
