Энэ хэрэгтэ федеральна һанһаа 5 сая түхэриг һомологдоһон юм. Өөрлиг һууринда 3500 хүн ажаһуудаг, мүнөө тэдэ мүнөө үеын номой санда сүлөө сагаа үнгэргэхэһөө гадна, аятай зохид оршондо кино хараха аргатай болохонь.
- «Фонд кино» гэһэн жасада хэрэгтэй дансануудые сэхэ дамжуулаабди. «Хабаадагшадай тоодо ороот», - гэһэн харюу ерээ. Дүнгүүдынь июнь һарада мэдээжэ болоһон юм. Октябрь-ноябрь һарада кинозал нээгдэхэ гэжэ багсаамжалагдана. Мүнөө Ангарскһаа тоног хэрэгсэл тодхохо мэргэжэлтэдые хүлеэнэбди, - гэжэ аймагай соёлой байшанай методист Бато Мунконов хэлэбэ.
«Соёл» гэһэн үндэһэн түсэлэй «Соёлой оршон» гэһэн федеральна түсэлэй хэмжээндэ Буряад Уласта цифровой хоёр шэнэ кинозал нээгдэхэ. «Фонд кино» жасаһаа Ивалгын аймагай Ивалга һууринай болое Ахын аймагай Өөрлигэй соёлой байшангууд грантнуудта хүртэһэн байна.
