Тус хэмжээ ябуулгада фестиваль байгуулһан Александр Васин, Наталья Вельчинская гэгшэд, тиихэдэ Ородой Холбоото Уласай хотонуудай, Германи, Австри, Голландиин мэргэжэлтэд хабаадана.
Немец хэлэнэй номуудай түб болон номуудай Франкфуртска яармаг (Москва), UP PRINT, Strelka Press гэһэн хэблэлэй байшанууд (Москва) фестиваль дэмжэнэ. Энэ хэмжээ ябуулгада ганса креативна һалбариин мэргэжэлтэд бэшэ, харин мэдээсэлэй ниигэмэй түрүүлэн байһан шэглэлнүүдээр, тиихэдэ буряад-монгол каллиграфяар һонирходог хүнүүд оролсохо аргатай.
- Улаан-Үдэ хото, Буряад Улас бусад можо нютагуудһаа онсо илгаатай. Манай можо нютаг айлшаар бууһан хүнүүд, аяншалагшад, илангаяа түрүүшынхиеэ ерэһэн хүнүүд, хари гүрэн ерэһэн шэнги гэжэ хэлэдэг, манай хото, улас харахада, бусадһаа илгаатай. Минии һанахада, «Типомания» гэһэн түсэл эндэ хубитаяа оруулна, Ород гүрэнэй зүүн зүгэй соёлой түб гэһэн уласай бренд бүри мэдээжэ болгоно, - гэжэ соёлой сайд Соелма Дагаева хэлэбэ.
