Февраль һарын 17-һоо 22 болотор Испан гүрэнэй Жирондо «Алтан заан» гэһэн циркһын уралигай уласхоорондын наадан арбадахи удаагаа (10th International Circus Festival Gold Elephant in Girona) үнгэрөө. Тус наадам 8 жэлэй саана Каталониин Фигерасе хотодо мүндэлһэншье һаа, һүүлэй 4 жэл Жирондо үнгэргэгдэнэ ха. Монгол циркын артистнар үндэр хэмжээгэй шадабарияа харуулжа, энэ нааданай «циркдахи акробатика» гэһэн номинацида хүрэл медаль абаба.
«Манай акробатикын дээдэ һургуулида һуража байһан 20тойхон залуушуул иимэ үндэр сэгнэлтэдэ хүртэжэ байхадань, омогорхомоор байна», - гэжэ циркын артист Б.Золбаясгалан тэмдэглэнэ.
Холо ойрын 24 гүрэнһөө 100 гаран зүжэгшэд олоной һонирхол татажа, энэ мэдээжэ нааданда оролсоо, гэжэ тэмдэглэнэ. Эдэ үдэрнүүдтэ циркын урлалда олон тоото дуратайшуул дэлхэйдэ шалгарһан наада үзэхэ аргатай байба.
