Энээн тухай Байгал шадарай үндэһэтэнэй хүреэлэнгэй хэблэлэй албан мэдээсэнэ. Жигжит Баясхаланов – үндэһэн маягай хутагануудые ба уран барималнуудые бүтээдэг мэдээжэ дархан - үшөө урда зуун жэлдэ хаясаанай болоһон гантиг шулуунай уурхай соо һарын туршада ажал хэхээр харааланхай. Энэ удаа Жигжит сагаан бухын дүрсэ урлан бүтээхээр түсэблэнэ.
Иигэжэ Байгал шадарай үндэһэтэнэй хүреэлэнэй энэ булан һэльбэн хубилгаха, шэмэглэхэ талаар ехэ ажалай эхин табигдаба гээшэ.
Байгал далайн үзэсхэлэниие шэртэхэ гэжэ арад зоной олоороо зорижо ерэдэг газар дэбисхэр лэ шэмэглэгдэнэ бэшэ, хүнэй өөһэдын хандаса хубилха ёһотой. Энэ газарай түхэл шэнжэ һайжаруулха талаар ехэ ажал мүнөөдэр эхилжэ байна, - гэжэ «Заповедное Прибайкалье» гэһэн эмхи зургаанай захиралай орлогшо Екатерина Сливина тэмдэглэбэ.
