Амаршалгын хатараар ба дуугаар тоглолто эхилжэ, халуун альга ташалган доро Улаан-Үдэ хотын Соёлой комитедэй хүтэлбэрилэгшэ Ирина Владимировна Ковалёва тайзан дээрэ гаража, «Амар Сайн» бүлгэмэй 10 жэлэйнь ойн баяраар
Тиигээд бүхы тоглолтодо хабаадагшад харагшадтайгаа суг Анатолий Андреевэй “Тоонто нютаг” гэжэ дуу гүйсэдхэжэ, ойн баярые түгэсхэбэ.
Энэ 10 жэлэйнгээ хугасаа соо «Амар Сайн» бүлгэм буряад арадайнгаа болон буряад хүгжэмшэдэйнгээ зохёоһон дуунуудые зэдэлүүлэн, ёохор болон бусадшье буряад хатарнуудые хатаран, арад зоноо хужарлуулдаг.
2012 оной намар сентябриин 28-да түрүүшынгээ тоглолто Наһатайшуулай һайндэртэ харуулһан байна. Энэ тоглолтодо оролсожо, олон харагшадай үндэр сэгнэлтэдэ хүртөө бэлэй. Энэнь саашанхи зохёохы харгыдань ехэл туһаламжа боложо үгөө. Тэрэ сагһаа хойшо “Амар Сайн” бүлгэм бүхы һайндэрнүүдтэ зорюулагдаһан тоглолтонуудта хабаадалсаһаар.
Наһатайшуулай бүлгэм “Авиатор” гэжэ соёлой байшанда ажалаа ябуулна. Тэрэ сагай соёлой байшангай захирал, Буряад Уласай соёлой габьяата хүдэлмэрилэгшэ Александра Даниловна Потапцева буряад дуу хүгжэмэй ансамбль байгуулха гэжэ ехэ бодолгото болодог байгаа. Тиин апрель һарын хуушаар “Авиатор” гэжэ хоорой “Надежда» бүлгэмые хүтэлбэрилэгшэ Иван Иванович Федотов нүхэр Владимир Очирович Бухаев буряад бүлгэм байгуулжа шадаха, хүтэлбэрилэгшөөр абыт гэжэ соёлой байшангай даргада дурадхал оруулһан юм.
Буряад Уласай соёлой габьяата хүдэлмэрилэгшэ, Буряадай Уран зохёолшодой холбооной гэшүүн - Владимир Очирович Бухаев буряад дуу хүгжэмэй бүлгэм байгуулжа, өөрөө бүлгэмэй болон хүгжэмэй хүтэлбэрилэгшөөр 2012 онһоо хүдэлнэ. Мүнөө болотор «Амар Сайн» бүлгэмөө эрхимээр абаад ябана. Мүнөө бүлгэмэй гэшүүд Валентина Доржиевна Дагбаева, Валентина Шойдоповна Галсанова, Валентин Гармаевич Ширибон ба Шойма Гончиковна амаралтада гаранхай.
Михаил Чойдонович Ламатханов, Зоя Батомункуевна Бажеева (бүлгэмэй староста), Валентина Дымчиковна Бухаева, Бальжима Батаевна Банаева, Марта Сергеевна Махутова, Оюна Лубсандоржиевна Балданова, Валерий Цыбикжапович Банзаракцаев, Буда Дубдынович Мунконов, Валентина Батоочировна Дондопова гэгшэд бүлгэмэй эдэбхитэй гэшүүд болоно.
“Амар Сайн” бүлгэм арбаад жэлэй хугасаа соо бүхы Сагаан һарын һайндэрнүүдые соёлойнгоо байшанда үнгэргэхэһөө гадуур, ойро тойрон оршодог ТОС-уудтай сугтаа Сагаалганайнь һайндэртэ хабаадалсадаг. Буряад Уласай, можо хоорондын, уласхоорондын олон тоото хэмжээ ябуулгануудта, тэмсээнүүдтэ, конкурс-фестиваль- нуудта эдэбхитэйгээр оролсодог. Нэрлэбэл: Ёрдын наадан - 2017, 2014 онһоо “Ёохорой һүнинүүдтэ”, I, II можо хоорондын эхирэд угай фестиваль «Эхирэдүүдэй нэгэдэл», “Алтаргана – 2014, 2016” зорюулагдаһан уласай “Буряадай нэгэ үдэр” гэһэн харалгануудта болон бусадшье олон фестиваль- конкурснуудта хабаадаа.
«Амар Сайн» бүлгэмэй гэшүүд ехэ урагшаа һанаатай, эрмэлзэл ехэтэй. Бүлгэмэй амжалта туйлахада, түрэл гаралынь, нүхэдынь, гэр бүлынхидынь баярладаг, дэмжэлтын һайн үгэнүүдые хэлэдэг, ходо дээшэнь үргэжэ байдаг заншалтай.
“Амар Сайн” бүлгэмэй саашанхи ажаябуулгадань амжалта хүсөөд, үри хүүгэдээ үргэжэ, үндэр наһатай боложо, сэсэг ногоон дайдадаа сэдьхэн дуулажа ябыт даа, буряад дуунайнгаа аялга баяртай, золтой хододоо хүн зонойнгоо дунда хүхюутэй дуулажа ябыт даа гэжэ үреэнэбди.
