Тус киносериал гүрэнэймнай эгээ мэдээжэ рок-бүлгэмүүдэй нэгэнэй байгуулагдаһан түүхэ тухай хөөрэнэ. Гол геройнуудынь – Горшок, Князь ба Шут.
Виктор Жалсанов сериалай зургаадахи ангида гарана. Сибириин мэдэлшэн боложо наадаһан тэрэ поезд соо рок-бүлгэмэй ударидагша Андрей Князевтай уулзашана. Тэрэнэй бэелүүлһэн дүрэ “КиШ” бүлгэмэй зохёохы ажал ехэ һайшаадаг, хүндэлдэг байшоо. Үнгэржэ ерэхэдээ, “Танец злобного гения” гэжэ дууень буряад хэлэн оршуулан найруулаад, сугтаа дуулана.
Театрай ба киногой зүжэгшэн Виктор Жалсанов Мухар-Шэбэрэй аймагай Хүсөөтэ нютагһаа гарбалтай юм. Урдань Х.Намсараевай нэрэмжэтэ Буряад драмын театрта алба хаадаг байһан.
Тэрэ эдир залууһаа урданай ёһо гуримуудые, арадай аман зохёол, илангаяа үльгэрнүүдые ба арадай дуунуудые шудалдаг. 15 кинофильмдэ наадаһан, Буряадай мэдээжэ кинорежиссёр Солбон Лыгденовэй “Булаг” (18 +) гэһэн киногой хүгжэм найруулан зохёоһон байна.
