Манай циркын агаарта тоглогшод Павел Истомин Дулма Пунцукова хоёрой амжалтатай хабаадажа байһан сэнхир дэлгэсэй наадан Гиннесэй туйлалтануудай дэбтэртэ оруулагдаһан, тэрэнииень бүхы дэлхэйдэ юртэмсын бусайдаһан соо 6 000 000 000 хүн хаража байдаг юм байна.
Тэндэ хабаадажа байһан Оросой Холбооной циркын тоглогшодой дундаһаа эдэл хоёрнай иигэжэ һүүлшын шатада орожо шадаһан байба. Тиихэдэ монгол харагшадай буряадай бэлигтэндэ эльгэтэй байдаг ушар нүлөөтэй байжа болоо. Энээнһээ гадна сэнхир дэлгэсэй энэ наадан-мүрысөөнэй шүүлгын бүлэгтэ Уласхоорондын П. И. Чайковскийн нэрэмжэтэ XV мүрысөөнэй Ехэ-шагналтан Ариунбаатарын Ганбаатар оролсоно.
Буряадай харагшадта, гадна энэ үнгэржэ байһан жэлэй туршада олон можо нютагууд болон ехэ ехэ хотонуудаар мэдээжэ болоһон бэлигтэй хоёр тухайгаа тобшохоноор мэдээсэхэдэ иимэ:
Залуу, бэрхэ хатаршан Павел Истомин 2016 ондо циркдэ ажаллаха гэжэ ерэһэн байгаа. Оршон үеын хатарнуудые гүйсэдхэгшэ хэзээ нэгэтэ циркын зүжэгшэн болохоб гэжэ һанаһан байба аа гү? Заяанай замаар Буряадай циркын зүжэгшэдтэ хатар зааха гэжэ уригдана. Тиигээд тэрээндэ эндээ зүжэгшэн болохыень уриһан юм. Тэнсүүриеэ оложо, татаатай аргамжа дээрэ хатаржа, агаарта (үндэртэ) тоглолго өөр дээрээ абахаһаа гадна, наадануудай забһарта зүжэгшэдые һажаажа гү, али ондоо аргаар энеэдэ үүсхэжэ ябадаг клоун Павлуша болоно. П. И. Чайковскийн нэрэмжэтэ дунда мэргэжэлэй урлалай һургуулида циркын мэргэжэл шудалжа гараа. Тэрэнэй Дулма Пунцуковатай дээрэ үндэртэ тоглолго (жэшээнь Ангар дүүхэй Енисей хоёр) манай циркын нюур болонхой. Павлуша Малыш хоёр клоунуудай бии болоходо гансашье Улаан-Үдын харагшад бэшэ, Москва, Ленинград гэһэн томо хотонуудта дуратайгаар угтажа абадаг байна. Ажаллаһаар байжа Соёл урлалай ехэ һургуулиин хатарай дээдэ һургуули түгэсхөө, гэбэшье наһанайнгаа хэрэг олоһон газртаа ажаллажа үлэнхэй.
Дулма Пунцукова 2003 ондо 8-тай байхадаа Буряадай М. Х. Жапхандаевай нэрэмжэтэ үндэһэн циркын һургуулида ороһон юм. Тэндэ Буряадай урлалай габьяата ажал ябуулагша Цэнд-Очирын Сэлэнгэ багшада 5 жэлэй туршада заалгажа гараа. Удаань П. Чайковскийн нэрэмжэтэ дунда мэргэжэлэй урлалай һургуулида һуража гараад, 2013 онһоо Буряадай гүрэнэй циркдэ тэнсүүриеэ оложо тоглохо мэргэжэлээр ажалда абтана. Дулма 2014 ондо Оросой Холбооной Волгоград хотодо үнгэрһэн Дельфийн 13-дахи нааданда хабаадалсаһан юм. Энэл ондоо бэлигтэй залуушуулые дэмжэхэ зорилготой олгогдоһон Буряад Уласай гүрэнэй шагналда хүртэнэ. Тамирай талаар шадалтай, ухаантай, ажалдаа эрид сэхэ хандасатай залуу зүжэгшэн олон янзаар гүйсэдхэгдэдэг акробатика (дээшэнь харбадаг хабтагай дээрэ, татаатай аргамжа дээрэ, дүүжэн дээрэ б.б.) ойлгожо абаад гүйсэдхэдэг. Энэ зүжэгшын Ангар дүүхэйн абари айхабтар гоёор, үнэншэмэ зохидоор аяар тэрэ дээрэһээ харуулжа, харагшые этигүүлжэ шадаһан гээшэ сэгнэшэгүй. Энээхэн тоглолтонь ниислэл Москвагай мэргэжэлтэдые гайхуулаа, циркын урлалай дээдэ мэргэжэлтэд Э. В. Запашный Д. Е. Иванов гэгшэд үндэр сэгнэлтэ үгөө бэлэй.
