2012 оной эхин дээрэ Буряадай Гүрэнэй СССР-эй арадай артист Г. Цыдынжаповай нэрэмжэтэ Оперо болон баледэй театрай дуушан Доржо Шагдуров дуулаһан дуунуудайнгаа ээлжээтэ нэгэ диск шагнагшадтаа бэлэглэбэ. Дүн хамта 17 дуунуудай багтаһан энэ диск соо үнгэрһэн зундаа үргэнөөр тэмдэглэгдэһэн 350 жэлэй ойн һайндэртэ гэжэ бэшэгдэһэн “Хори хүндэ соло”, тэрээнһээ гадна Захааминай аймагай шүлэгшэдэй үгэнүүд дээрэ бэшэгдэһэн дуунууд ороо. Тиимэһээл энэ диск “Нютагай дуунууд” гээд тон зүбөөр нэрлэгдээ байна гээд анхармаар байба.
