Мүнхэ сагай хүсэтэ урасхал үгсэһэн,
Морин хуурай эгэшэг аялга һүлдэлһэн
Молор талын сээжэдэ түрэһэн бэшэг,
Монгол хүнэй хубида үгтэһэн хэшэг.
Ц-Х. Дарибазарова
Буряад хэлэнэй баялигта ородог үгэнүүдые үлхэжэ, тэрэ мүртөө эгээл юрын үгэнүүдые холбожо, удха түгэлдэр уран шүлэг болгохо гээшэ хүн бүриин шадабари бэшэ гэжэ hайн ойлгонобди. Хүдөөдэ эрэ болоод, хүдөөгэй hургуулида бүхы наhаяа зорюулhан, тэрэ мүртөө буряад хэлэнэй багша хүнэй арадай баян hургаал болон заншалнууд дээрэ үндэhэлhэн сэдьхэлэй болон бодолой наhанай нөөсэ бусадай hонорто дэлгэрхэдээ, эгээл дэмбэрэлтэй хэрэг гэжэ тоологдохо ёhотой.
Тиимэhээ «Өөртөө табиhан асуудал» гэжэ энэ жэлэй эрхим номтой, тэрэнэй автортай уулзаха дуратайшуул олон байна ёhотой гэhэн бодол байна. Һонин ха юм, өөртөө табиhан асуудалдаа харюу бэдэржэ, арбан hарын 24-нэй 16 сагта Буряад Республикын Үндэhэтэнэй номой hанда үнгэрхэ нюур нээлгын баярта сугларбал, эндэ орхиhон сагаа оройдоошье шаналхагүй байхат гэhэн найдалтай, хүндэтэ уншагшадаа, буряад хэлэнэй талаар мэргэжэлтэдые, эхэ хэлэн дээрээ бэшэдэг хүнүүдые, уран шүлэгтэ дуратайшуулые уринабди.
