Уужам Буряад ороноймнай Ярууна нютагһаа гарбалтай Монгол ороной хүдэлмэриин баатар, арадай зүжэгшэн Ц. Пүрэвдоржийн нэрэмжэтэ аари, романс дуулагшадай улсын хэмжээнэй ехэ урилдаан мэргэжэлтэ урлалай (искусствын) манлайда тодорһон дууриин (оперын) урлал хүгжөөхэ, тэрээндэ хуби, нэмэри оруулха, тиихэдээ дуушадай бэлиг үргэжэ, тэрэниие баяжуулан арьбажуулха гол зорилготой үнгэржэ байдаг юм. Гадна ургажа ябаһан залуу дууша мэргэжэлтэдэй эрмэлзэл үргэжэ, дүршэлыень дээшэлүүлхэ үшөө нэгэ зорилготой байха. Тиигэжэ энэ улсын хэмжээнэй ехэ урилдаан дүрбэдэхиеэ эмхидхэгдэжэ үнгэрбэ гээшэ.
Энэ урилдаанай һүүлшын шатада үлэһэн арбан хабаадагшад гуримай ёһоор тус бүреэ хоёр аари дуулаха ёһотой байгаа. Тиигэжэ Монголой Дуу-бүжгийн эрдмийн театрай (Академический театр оперы и балета) гол дуушан О. Хүрэлбаатар, тиихэдэ сүлөөтэ уран бүтээлшэ Б. Энхнаран гэгшэд түрүүшын һуурида гаража шалгарбад. Хоёрдохи һуури ДБЭТеатрай (Улаан-Баатар) гол дуушан Б. Анхбаяр, тиихэдэ манай оперо болон баледэй театрай дуушан Аюуна Базаргуруева хоёр эзэлээ, гурбадахи һуурида баһал Монголой дууриин театрай гол дуушан Б. Гомбо-Очир тодорбо.
Монгол хэлэ түрэл буряадһаань өөрэгүй мэдэдэг та олонойнгоо анхаралда энэ доро урилдаанай эсэстэ гараһан дүн үгэнэбди, уншагты, ойлгожо ядаха юумэн үгы:
Басс-/Нэгдүгээр байр-О. Хүрэлбаатар/ УДБЭТ-ын гоцлол дуучин
Сопрано-/Нэгдүгээр байр-Б. Энхнаран/ ОХУ-ын Краснояарск
Баритон-/Хоёрдугаар байр-Э. Анхбаяр/ УДБЭТ-ын гоцлол дуучин
Сопрано-/ Хоёрдугаар байр-Б. Аюуна/ Буриадын ДБЭТ-ын гоцлол дуучин
Тенор- /Гуравдугаар байр-Б. Гомбо-Очир/ УДБЭТ-ын гоцлол дуучин
Баритон-/Тусгай байр-Э. Бумхүү/ УДБЭТ-ын гоцлол дуучин
Басс- /Тусгай байр- Б. Алтанхуяг/ УДБЭТ-ын гоцлол дуучин
Басс-/Ц. Пүрэвдоржийн нэрэмжит шагнал-С. Бат-Эрдэнэ/ ХБК-ийн оюутан
Тенор-/Шүүгчдийн шагнал-Б. Батжаргал УДБЭТ-ын дуучин/
Шилдэг концертмейстр-Б. Солонго /УДБЭТ-ын концертмейстр/
Шилдэг концертмейстр-Д. Линховоин /Буриадын ДБЭТ-ын концертмейстр/
Тиихэдэ мэргэжэлтэ урлалда хабаатай уншагшадта һонирхолтой байха бэшэ аа гү гэжэ, жюриин гэшүүдые доро нэрлэе:
Уралдааны шүүгчдээр:
Шүүгчдийн ахлагч А. Дашпэлжээ /Монгол улсын Гавьяат жүжигчин/
Шүүгч: А. П. Чепурной /Оросын Холбооны улсын урлагийн гавьчат зүтгэлтэн/
А. Долгор /Монгол улсын Ардын жүжигчин/
Ц. Төвшинтөгс /Монгол улсын Гавьяат жүжигчин/
Б. Эрдэнэтуяа /Монгол улсын Соёлын тэргүүний ажилтан
Хяналтын шүүгч Б. Зангад /Монгол улсын Ардын жүжигчин/
Э. Амартүвшин /Монгол улсын Ардын жүжигчин/
Нарийн бичиг Г. Лхагважав
Үнгэржэ байһан жэлэй һүүлшын үдэрнүүдтэ Аюуна Базаргуруевагай туйлаһан үшөө нэгэ амжалта гэбэл – арбан хоёр һарын 22-то Беларуссиин ехэ театрай тайзан дээрэ үнгэрһэн уласхоорондын Competizione dell’Opera мүрысөөнэй гурбадахи шан. Энэ шагналынь Берлиндэ ерэхэ жэлэй хоёрдугаар һарын 8-да барюулагдаха. Competizione dell’Opera мүрысөөн хэдэн шатаһаа бүридэнэ. Аюуна үнгэрһэн жэлдэ энэ мүрысөөндэ хабаадахадаа, шалгаржа тодорһон арбан хоёрой тоодо ороһон байгаа. Нэрлэбэл: Аюуна Базаргуруева (России), Татьяна Барсукова (России), Анастасия Кикот (России), Дарья Князева (Украина), Рахим Мирзакамалов (Узбекистан), Мария Семочкина (России), Анатолий Сивко (Беларусь), Илья Сильчуков (Беларусь), Любовь Ситник (России), Карина Херунтс (Украина), Ким Сонг Хи (Солонгос), Виктория Яровая (России). 2011 оной эсэсэй шата Москвагай Ехэ театрай тайзан дээрэ үнгэрһэн байгаа, тиихэдэ шэлэн абалга манай оперын театрта үнгэрөө бэлэй.
Мүрысөөнэй түрүүшын шан Узбекистанай Рахим Мирзакамаловта, хоёрдохинь Россиин Дарья Князевада хүртөө.
Тиихэдэ энэ мүрысөөн хадаа италиин хэлэн дээрэ дуулагшадай оройдоо гансахан мүрысөөн гэгдэдэг, эндэ урданай хүгжэм дуунуудһаа ХХ зуун жэлэй дуунууд хүрэтэр дуулажа болохо, шэлэн абалгын шатанууд бүхы дэлхэй дээгүүр (Европа, Аази, Америка) үнгэргэгдэдэг байха юм. 2013 оной мүрысөөн Австриин Линц хотодо үнгэрхэ гэжэ соносхогдонхой.
Гүрэн түрэдөө мэдээжэ арадай зүжэгшэнэй нэрэмжэтэ улас түрын хэмжээнэй үндэр урилдаанда, тиихэдэ уласхоорондын Competizione dell’Opera мүрысөөндэ Буряад ороноо түлөөлжэ, дээдын шагналда хүртэһэн Аюунаяа үндэр энэ амжалтануудаарнь, гаража байһан Шэнэ жэлээр үнэн зүрхэнһөө амаршалаад, хэзээдэшье, хаанашье ябахадаа арадайнгаа агууехэ һүлдые дээрэ үргэжэ, түрэл Буряад ороноо суурхуулжа, хубиин жаргалтай ябахыень юрөөел даа!
Урлалай Тэнгэри үргэжэ, харгалзажа байг!
