Дүримэй ёһоор эхэ эсэгэ хоёр хоорондоо хэлсэжэ эсэгын фамилиһаа гү, али эхын фамилиһаа үхибүүндээ буряад ёһо заншалаар фамили үгэхэ эрхэтэй.
Фамилиин залгалта ба жэшээнүүд доро үгтэнэ.
1. Хашалган абяагаар дүүрэһэн фамилиин үндэһэн үгын хойно -ай (-аа, -ой, -эй); -он; -о, -э залгалтануудай али нэгэниинь бэшэгдэдэг.
Жэшээ: Батожапов — Батожабай; Баяров — Баяраа; Дондоков — Дондогой; Тугутов — Тугэдэй; Жапов — Жабон; Базаров — Базарон/Базарай; Тугулов — Тугулай/Тугуло.
2. Хашалган -н абяагар дүүрэдэг фамилиин үндэһэн үгын хойно -ай (- ой, -эй); -и, -э, -о залгалтануудай али нэгэниинь бэшэгдэдэг.
Жэшээ: Данзанов — Данзанай/Данзанэ/Данзано; Шаракшинов — Шаракшинай/Шаракшинэ, Ринчинов — Ринчинэй/Ринчино/Ринчинэ, Балданов — Балданай/Балдано/Балданэ; Бадёнов — Бадёной/Бадёнэ, Тумаханов — Тумахани.
3. Аялган абяагаар дүүрэдэг фамилиин үндэһэн үгэдэ -ин (-ын), -н; -гай (-гой, -гэй); -а залгалтануудай али нэгэниинь бэшэгдэдэг.
Жэшээ: Дамбаев — Дамбаин; Бальжинимаев — Бальжинимын; Линховоев — Линховоин; Жалсараев — Жалсарайн, Хошхоев — Хошхойн; Бодиев — Бодин; Доржиев — Доржин; Бабуев — Бабугай; Зандраев — Зандраа.
4. Үндэһэн үгын -е үзэгөөр дүүрэдэг фамилида –ин (-ын) залгалтануудай али нэгэниинь бэшэгдэдэг.
Жэшээ: Бортеев – Бортеин, Санжеев – Санжин, Ешеев – Ешын.
