Нааданай зорилго гэбэл:
1. Буряад арадай дундаһаа абьяас бэлигтэй, дэлхэйдэ нэрэтэй олон зохёолшод урган гараха бэзэ гэһэн найдал – нааданай гол зорилго. Мүнөө, энэ сагта алдартай солотой ахамад зохёолшодойнгоо носооһон уран зохёолой арюун гал гуламтые улам дээшэнь үргэн бадараажа, хойноһоонь ябаһан залуу үедөө үлээхэ шухала харюусалга бидэндэ ерээд байна.
2. Ямарханшье улас түрын уран шүлэгшын ядарбал, тэрээнтэй хамта арад зониинь ядардаг юм гэжэ нэгэ гүрэнэй алдар нэрэтэй толгойлогшо хэлэһэн байдаг. Энэ үгые ухаандаа һайнаар сэгнэжэ үзэхэдэ уран зохёол, уран шүлэг болобол арад түмэнэй уураг тархиие, ухаан бодолые сэсэн болгон хүгжөөжэ байдаг ушартай юм.
3. Оршон үедэ буряад хэлэ, буряад ёһо заншалнуудаа, буряад соёлоо, урлалаа, буряад уран зохёолоо хүгжөөжэ, хүүгэд залуушуулаа урмашуулан, тэдээнээ дэмжэжэ һургаха хэрэгтэ бүхы хүсэ шадалаа зорюулжа ажаллаха саг ерээ.
4. Хүүгэд, залуушуулай дунда эмхидхэн ябуулха «Аялгата һайхан буряад-монгол хэлэмни» гэһэн уран шүлэгэй нааданай үндэһэн зорилго гэбэл иимэ байна.
Энэ наадые һанаашалан байгуулагша: Монголой уран зохёолшодой холбооной гэшүүн, уран шүлэгшэ Хэнтэйн Батхүү.
Наадые дэмжэн оролсогшо: Монгол улсын Улаан-Үдэдэхи юрэнхы түлөөлгын албан.
Улаан-Үдэ хото, 2013 он
ЗАРЛАЛ (СОНОСХОЛ)
- 2013 оной гурбадугаар һарын 31 болотор шэлэн абалгын болзор соо энэ урилдаан-нааданда оролсохоёо һанаашад эхэ хэлэн, эхэ орон, тоонто нютаг, буряад ёһо, заншалнууд тухай бэшэһэн бүтээлнүүдээ доро үгтэһэн хаягаар эльгээхэ.
- Наадан «Һургуулинуудай һурагшадай хоорондо» болон «Оюутадай хоорондо» гэһэн хоёр хэһэгтэ хубаарна.
НААДАНАЙ ШАГНАЛНУУД БОЛОН ТЭМДЭГҮҮД
- Эрхим дээдэ шан (Гран-при): Алтан медаль, дээдэ зэргын Үнэмшэлгэ (Диплом), мүнгэн шан.
- Нэгэдэхи һуури (шан): Алтан медаль, нэгэдүгээр зэргын Үнэмшэлгэ, мүнгэн шан.
- Хоёрдохи һуури (шан): Мүнгэн медаль, хоёрдугаар зэргын Үнэмшэлгэ, мүнгэн шан.
- Гурбадахи һуури (шан): Хүрэл медаль, гурбадугаар зэргын Үнэмшэлгэ, мүнгэ шан.
- Нааданда хабаадажа, урилдаанда оролсоһон 30 хүүгэд болон оюутадта Баярай бэшэгүүд барюулагдаха.
Урилдаанда хабаадахаяа шэлэн абалгада бүтээлнүүдээ иимэ электрон хаягаар эльгээхэ гэбэл: Rigzema52@mail.ru
Хабаадаха эрхэдэ хүртэһэн тухай үнэмшэлгэ «Түрэһэн тухай гэршэлгын» болон паспортын үндэһөөр барюулагдаха.
Наадан тухай дэлгэрэнгы мэдээсэлнүүдые 209-190 утаһаар абажа болоно.
Та бүхэндэ амжалта хүсэе! Һайн һайхан үйлэ дэлгэрхэ болтогой!
Монгол улсын Улаан-Үдэдэхи юрэнхы түлөөлгын албан
2013 он. Улан-Үдэ хото
