Артист мэргэжэлээ үндэртэ үргэжэ,
Арад зондоо мэдээжэ болоош.
Буряад театрай суута зүжэгшэн,
Бултанай зүрхэ буляажа шадааш.
Хориин тайшаа, Брежнев, Чингисхан,..
Хоёр зуугаад рольнуудшни
Буряад харагшын сэдьхэлдэ
Бата hуурияа олонхой.
Жаран жэлэйнгээ баярые,
Жарган тэмдэглэн, үзөөгүйш.
Сугтаа ажаллаһан нүхэдшни
Шаналан, гуниглан үлэнхэй.
Дээдэ мүнхэ тэнгэридэ
Дэгдэн ябааш түргэнөөр
Дарису инаг нүхэрөө
Гансаардуулан орхиһонш харамтай.
Олон олон ашанаршни
Ажал хэрэгыеш үргэлжүүлхэл.
Түрэл театрайнгаа түүхэдэ
Түмэн жэлдэ мүнхэрхэш.
Роза Тыхеева
