Энэ жэлэй Үндэhэн бэшэг үзэгэй баярые «Үндэhэн бэшэгээ, соёлоо үргэе!» гэhэн уряа доро үргэдхэн үргэжэ, дүрбэдүгээр hарын 20 табадугаар hарын 7 хоёрой хоорондо Соёлой, тамирай болон аян эрхилэлгын яаман Монгол Улсын Үндэhэтэнэй номой hантай, Ехэ болон Дээдэ hургуулинуудтай, түрын болон тэрэнэй бусад байгуулгануудтай хамтаран, энэ баярые зохёон байгуулхаар уялгалагдаба.
Үндэhэн бэшэг үзэгэй баярые нээлгын ёhолол табадугаар hарын 2-ой 11 сагта Үндэhэтэнэй номой hанда боложо, тиихэдэ энэ баярай хүреэлэн соо «Судар бэшэгэй алтан hан» (үндэhэтэнэй баримтата 108 боти) номой нара хараhан ушараар ёhолол (арамнай), «Дурсалгануудhаа бүридэhэн монгол бэшэг» гэhэн сагаан толгойн (алфавидай) үзэсхэлэн, уран зохёолшод болон бүтээлшэд эрхим бүтээлнүүдэйнгээ гар бэшэмэлнүүдые Монголой Үндэhэтэнэй номой hанда (МҮНС) хадагалуулжа, гэрээ (договор) байгуулха ёhолол гэхэhээ эхилээд олон олон шэнэ арганууд болон хэмжээ ябуулганууд үнгэрбэ гээшэ.
Тиихэдэ «Бэшэгэй соёл» түбэй хамта олон Номой hангай дэргэдэхи талмайда олониитэдэ уран гоёор бэшэлгэ (каллиграфи) үйлэшэлжэ (эмхидхэжэ), хэблэлэй газарнууд ном бэшэгтэ хабаатай хэрэгсэлнүүдэй худалдаа наймаа дэлгэбэ.
