Улаанбаатар хотодо Монгол туургатаниие нэгэдүүлһэн «Хамаг Монгол» гэһэн нэрэтэй хүндэдхэлэй наадан 2013 оной март һарада үндэр хэмжээндэ үнгэрөө бэлэй. Энэ проектые Монгол Уласай мэдээжэ дуушан Самандын Жавхлан үүсхэн зохёожо, Хальмагай, Тывагай, Буряад Республикын, Үбэр Монголой үзүүр дуушадые урижа, концерт эмхидхээ.
«Сасаһан шагай мэтэ бутарһан саг нэгэн байбашье, адхаһан гар мэтэ нэгэдэхэ саг ерэнэ. Хамаг Монгол нэгэдэе!» – гэһэн уряа доро Дэлхэй даяар дүүрэн таража, амидаржа байһан монгол туургата арадууд хэлэеэ, түүхэеэ, ёһо заншалаа мартангүй, эб нэгэн боложо, ерээдүйн үетэндэ дамжуулха ёһотой. Монгол Уласай ниислэл Улаанбаатар хотодо үнгэрһэн үйлэ хэрэг Буряад орондомнайш 2013 оной туршада үнгэрхэ ёһотой гээд һануулнабди.
Самандын Жавхлан Владилен Пантаевай бэшэhэн «Дангина» гэжэ дуунда, тиихэдэ манай эстрадын залуу одон Чингис Раднаевтай суг Анатолий Андреевэй «Эжы» гэжэ дуунда зохидхон клипүүдые бүтээжэ, эдэнь буряад-монгол харагшадта бэлигтэнэй бариhан үшөө нэгэ бэлэг гэжэ сэгнэмээр юумэ болоо гэжэ анхарагдана. «Эжы» гэжэ дуунай удаа О. Даваасүрэнэй hанамжаараа хубаалдаhые эндэ оруулбабди:
Olhunud Davaasuren: «А. Андреевыг багад нь ээж нь тариан талбайн захад, хүүгээ наршчихна гээд, дээлээрээ хэвтэж байгаа хүүгийнхээ дээгүүр сүүдрэвч босгочихоод, тариан талбай дээр ажиллаж, үе үе хүү дээрээ гүйж ирдэг байсан нь бодогдон ээжийгээ санан, энэ дуу зохиогдох болсон гэдэг.»
"Дангина" дуун
http://www.youtube.com/watch?v=XpmQa9-OXpQ
