Дээдэ-Онгостойн Байгал тойроһон арадуудай урданай һуудал, байдал харуулһан үзэсхэлэнгэй дэбисхэр дээрэ олон һонин хэмжээ ябуулганууд үнгэрхэ юм байна.
Нэгэдэхеэр. Энэ хэмжээ ябуулгада 10 наһанһаа доошо хүүгэд түлөөһэгүй орохо. Хүүгэдэй талмай 15 сагһаа 18 саг болотор «Амитадай буланда» хүдэлхэ юм. Тэндэ һонирхолтой нааданууд эмхидхэгдэхэ гэбэл: эльбэ шэди харуулдаг артистнар, клоунууд байха, тиихэдэ хүүхэлдэйн «Үльгэр» театрай артистнар, гарай бэлэгүүд… Хүүгэдэй дунда асфальт дээрэ зурагуудые зураха, бишыхан хубинуудһаа бүхэлиие бүтээхэ (оригами) нааданууд үнгэргэгдэхэ юм.
15 сагһаа «Эдир моритон» гэһэн хэмжээ ябуулга болон мүрысөөн үнгэрхэ. Хүүгэдэй мүн ехэшье хүнүүдэй мориндо мордожо ябаха арга хараалагданхай.
Хоёрдохёор. Гар урлалай бүтээлнүүдые дэлгэжэ, тэдэнь наймаалагдаха юм. Тиихэдэ эндэ зоной нюдэн дээрэ нарин дархадай хүдэлмэри харуулагдаха, эндэ алташа, мүнгэшэ дархад, үйһэн-дархад, хүнэй бэе дээрэ угалзануудые бүтээхэ урлал (мехенди).
Гурбадахяар. Буряад юудэн малгай олон хэлбэреэр зүбөөр үмдэхые, бүһэ зүбөөр бүһэлхые харуулһан мүрысөөнүүд байха.
Эдэ наадануудай һонирхолтой мүрысөөнүүд гэбэл:
«Мори эмээллэлгэ», эндэ дугы (велосипед) шагнал байха.
«Һээр шаалган»
«Тэбэг сохилго»
«Нүүдэлшэдэй ая дуун» гэһэн хүгжэмтэ наадан тухай асуудалнуудта зүб харюу дурадхаха нааданууд бии. Эндэ нааданай түүхэһээ, энэ жэлэй болон урда жэлнүүдэй хүгжэмшэд тухай, наада дэмжэгшэд болон эбээн тэдхэгшэд тухай, энэ фестиваль Буряадта гэһэн асуудалнууд табигдаха. Энэ наадан 16 сагһаа 18 саг хүрэтэр үнгэрхэ.
Шагналынь – хоёр нюурта Байгал дээрэ амарха арга «Байгал далай» гэһэн аяншалгын хамжаанһаа олгогдохо.
Хүннү арадай манай үе хүрэжэ ерэһэн туйлалтанууд гэһэн ушаралта үйлэнүүдтэ үндэһэлһэн наадан үнгэрхэ. 677-677 дугаарай утаһаар энэ нааданда хабаадаха дуратай байбал, шамдан хонходогты, хүндэтэ нүхэд!
Гол тайзан дээрэ таһалгаряагүй, хойно хойноһоонь гаража, наадануудаа дэлгэжэ байха бүлгэмүүд гэбэл:
1. “Урагшаа” 16.00
2. “Галия” 17.30
3. “Хартыга” 18.30 — 19.30
4. “Ретузы” 20.00 – 21.00
5. “Коттарашка” 21.00 – 22.15
6. “Кармен Риззо” 22.15 — 23.00
