«Буряад-монгол арадайнгаа эдир үетэндэ зорюулан бүтээһэн тус дискмнай үргэн дэлисэтэйгээр олон түмэндэ хүртэжэ, хүүгэдэй мэдэрэлые далижуулан, эхэ хэлэеэ шудалжа, би буряад хүнби гэжэ омогорхон, орон нютагаа, эхэ байгаалияа хайрлажа, сэгнэжэ һурахадань туһа болог» гэжэ проектые һанаашалан хүтэлбэрилһэн Жанна Дымчикова хэлэбэ.
Энэ ажалые түлэблэл байгуулагшад: Буряад Республикын соёлой яаман, Буряад Республикын Правительствын соёлой ба урлалай эмхи зургаануудта тусхайтаар хараалһан тэдхэмжэ, «Интерактивна Буряад орон» гэһэн Нээмэл түхэлэй нэгэдэл.
Дуунай багша, эдир дуушадай бүлэгые хүтэлбэрилэгшэ Сэсэгма Ринчинова; дуунуудай бэшэлгые студидэ ударидагша Сарантуяа Жалцанова гэгшэд “Электротон” гэһэн нэрэтэй студидэ абяа найруулагша Николай Силинтэй суг ажаллаһан байна.
Энэ ажалые түлэблэл дэмжэгшэд гэхэдэ Цыренов Баяр Дашиевич – ИФК «Метрополь» хамтаралай можо, нютагуудтай ажал ябуулгын талаар захиралд, Бадмаева Любовь Владимировнада «Интерактивна Буряад орон» гэһэн ООО-гой захирал.
Энэ диск тухай дэлгэрэнгы мэдээсэл үшөө үхэбди.
