Уран шүлэгэй энэ мүрысөөн Намжил Нимбуевай түрэhөөр 65 жэлэй ойдо зорюулагдана.
Энэ мүрысөөндэ 17-hоо 40 хүрэтэр наhанай, Уран зохёолшодой гүрэнэйшье, ниитыншье холбоонуудай гэшүүн гэжэ илгаагүй, уран шүлэгшэд хабаадахаар уригдана. Хабаадагшадай ажаhуудаг газар, нютаг нуга хизааргүй.
Түгэсхэлэй шатада орохо уран шүлэгшэдые мэргэжэлтэ уран шүлэгшэдhөө, уран зохёолшодhоо, уран зохёол шэнжэлэгшэдhээ болон сурбалжалагшадhаа бүридэhэн Уласхоорондын жюри шэлэн абаха юм.
Мүрысөөнэй нэгэдэхи шата
Мүрысөөнэй нэгэдэхи шата байгша оной юһэ hарын 1-hээ арба һарын 1 болотор үнгэрхэ.
Мүрысөөнэй нэгэдэхи шатада хабаадахын түлөө хүн бүхэн таба табан шүлэг, өөр тухайгаа мэдээсэл иимэ сахим хаягаар ябуулха: nimbueva@mail.ru.
Шүлэгүүд ямаршье хэлэн дээрэ байжа болохо, гэбэшье ород хэлэн дээрэ мүр зайhан оршуулгыень оруулалсаарайт.
Ехэ хэмжүүрэй шүлэглэмэл зохёолнууд (поэмэнүүд, шүлэглэмэл романууд, сонедүүдэй гүрлөөнүүд) хараада абтахагүй.
Мүрысөөндэ гэжэ эльгээhэн эдэ шүлэгүүдыетнай жюри сэгнэхэ. Шүүмжэлэлнүүд хэгдэхэгүй.
Хоёрдохи шатада оруулагдаhан шүлэгүүд бүридхэлдэ абтаад, мүрысөөнэй infpol.ru, тиихэдэ nimbuev.buryatia.org гэhэн сайтнууд дээрэ ниитэлэгдэхэ.
Шэлэн абалга арба hарын 7-дэ үнгэржэ, дүн элирхэ.
Мүрысөөнэй хоёрдохи шата (эсэсэй)
Шэлэн абалгын шатые жюриин шиидхэбэреэр дабажа гараhан уран шүлэгшэд 2013 оной арба hарын 18-да infpol.ru сайт дээрэ үнгэрхэ эсэсэй шатада хабаадаха эрхэдэ хүртэнэд.
Энэ шатые «Богони хэмжүүрэй эрхим шүлэг» гээд нэрлэжэ болохо, энэнь Намжил Нимбуевай эгээл дуратай маяг байhан юм. Урда үеын Дурна зүгэй арадууд соо мүндэлhэн богони шүлэгүүдэй маяг хадаа өөрын эрилтэнүүдтэй юм. Тэрэ дороо, гол ойлгосоёо дүйбөөлэн, шүлэгэй түхэл баримталан, ябууд мүндэлхэ ёhотой.
Энэ шатада хабаадагшада бэшэгдэхэ шүлэгэй удхые жюриин нэрлэмсээр, 10 минуутын туршада бэшэхэ эрилтэ табигдана. Тэрэл долоон минуута соогоо бэшэhэн шүлэгөө мүрысөөнэй infpol.ru сайт дээрэ гаргажа, nimbueva@mail.ru гэhэн сахим хаягаар ябуулжа үрдихэ ёhотой.
Жюриин сэгнэлтэнүүд соо хараада абтаха гэбэл:
– Хэлэнэй түрэл зүйл тодорхойлhон гол бодолнууд
– Бэшэhэн зохёолдоо өөрын хандаса, өөрсэ маяг
– Шүлэг бэшэлгын маяг баримталалга. Гүймгэ хэлэнэй баялиг
– Үндэhэн hүлдэ тэмдэгүүд, дүрэнүүд, заншал гуримууд болон бусад.
Илагшадые шагналга
Гран-при шагнал – уран барималнуудые бүтээдэг Даша Намдаковой хүрэл «Хилэнэй дальбараахан».
Түрүүшын гурба hууринуудта гарагшад Хүндэтэ үргэмжэлэлнүүд болон үнэтэ бэлгүүдээр урмашуулагдаха.
Уран шүлэгшын гэр бүлэ заншалта ёhоороо «Номин алимаа» эрхим хабаадагшадай нэгэндэ өөhэдынгөө шиидхэбэреэр гардуулха.
Шагнал гардуулганууд «Информ-Полис» hониной хуралнуудай танхим сооhоо интернет-долгиндо сэхэ дамжуулгын гуримаар 2013 оной арба hарын 18-да үнгэрхэ. Шагналнууд илагшадайнгаа нэрээр шуудангаар ябуулагдаха.
Мүрысөөнэй эмхидхэн байгуулагшад:
Буряад Республикын соёлой яаман, Буряад Республикын hуралсалай болон эрдэм ухаанай яаман, Улаан-Үдэ хотын Захиргаан, Яруунын аймагай Захиргаан, «Информ-Полис» гэhэн хэблэлэй байшан, уран шүлэгшын гэр бүлэ.
