Монгол Уласай 21 аймагта, ниислэл Улаанбаатар хотодо, Буряад ороной Улаан-Үдэдэ болон Түгнэдэ, Түнхэндэ, Хэжэнгэдэ бүхэдэлхэйн монголшуудай нангин гал бадаргааһанайнгаа удаа, табан дуушад гэр гэртээ харижа, саашанхи ажаллаа түсэблэн хүдэлһөөр.
Жэшээнь, Жавхлан дуушан Улаанбаатараа бусажа, Буряад орондо болоһон тоглолто болон уулзалганууд тухайгаа ТВ болон сонинуудта ярилцалгануудые үгэжэ байна. Хилын саана байһан монголшуудтаа бидэн хэлэеэ, түүхэеэ, ёһо заншалаа һэргээхэ хэрэгтэнь туһалжа, хайртай байха ёһотойбди гэһэн уряалтайгаар монголшуудта хандана.
«Сасаһан шагай мэтэ бутарһан саг нэгэн байбашье, адхаһан альган мэтэ нэгэдэхэ саг ерэбэ. Хамаг Монгол, нэгэдэе!» – гэһэн уряа доро Дэлхэй даяар дүүрэн таража амидаржа байһан хүндэмүүшэ монгол туургата арадууд гарай табан хурган шэнги табан эрхим дуушадые хаанашье халуунаар угтан абахань мэдээжэ.
Монгол туургатаниие нэгэдүүлһэн «Хамаг Монгол» проектые Монгол Уласай Соёлой тэргүүн ажалтан, мэдээжэ дуушан Самандын Жавхлан үүсхэн зохёожо, Хальмагай, Тывагай, Буряад Республикын, Үбэр Монголой үзүүр дуушадые урижа, эды ехэ ажал эмхидхээ. Самандын Жавхлан (Монгол Улас), Машбатын Баясхалан (Үбэр-Монгол), Чингис Раднаев (Буряад орон), Монгуш Сайдаш (Тыва), Лиджи Горяев (Хальмаг) гэгшэд халуун зүрхөөрөө арад түмэндөө дуунуудаа бэлэглэнэ...
Дэлхэй, ши, соносоорой,
Хүхэ Тэнгэриин монголшууд дуугаа дуулажа байна.
Дэлхэй, ши, хараарай,
Эзэн Чингисэй Монгол, нэгэдэн, дуулажа байна;
Хамаг Монголой үрэ сад, омогшон, дуулажа байна…
